[A:14] bka' gdams lha bzhi'i khrid la sogs pa snga phyir chos du ma yang gsan/ de nas bo dong er byon te/ lugs gnyis nas phyogs de bde skyid dang ldan pa mdzad/ khyad par dus gsum sangs rgyas thams cad kyi ngo bo rje btsun rdo rje 'chang sgo rum pa'i zhal snga nas jo nang gi gdan sar bzhugs pa spyan drangs te/ zab dgu'i gdams pa du ma snga phyir gsan/ bdag nyid 'khor 'bangs longs spyod dang bcas pa bran du phul nas/ ci mdzad legs pa dang / ci gsung tshad mar 'dzin pa'i mos gus kyis/ mi mnyes pa skad cig kyang med par mchod cing / bsnyen bkur ba dang bsti stang du mdzad pas thugs yid gcig tu 'dres/ thun mong ma yin pa'i byin rlabs kyi 'pho ba thob/ rje btsun chen po grags pa'i sku byin rlabs kyi gzi 'od 'bar ba dran pa tsam gyis dge legs stsol nus pa 'di nyid gtsug lag khang mchod sprin dang bcas pa bzheng ba sogs rnam dkar gyi bya ba du ma mdzad/ bdag gi bla ma rdo rje 'chang chen po de zhing gzhan du 'byon par bzhed pa'i tshe/ brgyud pa 'khor bcas dkar nag gi 'brel pa dang bcas pa srid pa kun tu rjes su 'dzin par gsol ba btab pa bzhin zhal gyis bzhes 'dug pas/ bdag cag brgyud pa rnams la 'di gcig pu'i sku drin yang bsam pa'i ra ba las 'das gda'/ gzhan yang / rgyal dbang rdo rje 'chang mkhan chen thams cad mkhyen pa'i zhal snga nas dang / grub thob kyi 'khor los sgyur ba sangs rgyas seng ge'i zhabs spyan drangs nas/ snying por gyur pa'i gdams pa mang du gsan/ 'jig rten gyi mdzad pa mtha' dag thu bor gyur