[A:144]byang gter gyi sgrub chen bka' brgyad drag po rang byung rang shar chen po'i sgrub chen sman sgrub dang bcas pa'i sgrub dbang thun mong ma yin pa sogs gdams pa du ma zhig thob/ 'bul ba'i dngos po'ang ci 'byor pa zhig phul te phyir byon/ skabs shig sdings ma dgon par dge 'dun kha cig la ni gu chos drug dgos gsungs pa nas bshad pa'i zla la yon bdag khams pa rgan po kha cig kyang zhugs/ sgyu lus kyi dmigs pa'i sgang la myug tu mi yong kha med cig byung nas khrid pa rnams la nged ma sleb bar dmigs pa rnams chig 'gril du sgoms shig ces smras nas/ myug tu slebs pa'i zhag gnyis gsum nas ga re de tsho sgom gyi yod dam med/ yod na 'phro la gzhag na 'phangs/ mi sgom na ngal ba las mi 'dug pas phar mi 'gro dgos snyam/ nub cig rmi lam bzung nas ltar phyin pas/ khrid pa de dag gi kun spyod/ za 'grogs nyal lugs tshun gsal bar mthong / skal dman gnyis gsum zhig ma gtogs khrid pa byings dang khyad par khams pa rgad po de rnams sdug rus byas sgom zhing 'dug nas zhag lnga las ma 'gor ba phyin/ ming gsal ni ma byas gnas tshul rnams bshad nas ched du sgom dgos tshul byas bogs thon pa cung zad kyang byung gda'/ de nas yun mi ring ba zhig nas/ dus kyis zings log kham po che zhig langs/ bdag gi phu bo lugs gnyis nas 'gran zla thams cad dang bral zhing / 'gran par 'dod pa rnams kyi gzi brjid 'phrog pa la dpa' ba