[A:145]zhig yod pa de dus kyi mthar lhung ba la brten/ glo bur du 'jigs shing stabs pas yul 'khor nor rdzas thams cad bor te gtsang po lho brgyud du mtshan mo gcig la slebs par bgyis/ rim gyi dam pa'i bsti gnas chos lung dgon par slebs/ mkhan chen rin po che dpon slob rnams kyi/ nged de pa'i dus kyi snang tshul la ma snyas/ dang thog gi tshul dgongs nas brtse skyong bsam gyis mi khyab par mdzad/ gzungs sgrub khang pa bya bar bsdad/ zhi bar gshegs pa de'i thugs dam gyi snying po dpal 'khor lo sdom pa lU hi pa'i ras bris kyi dkyil 'khor la brten nas dgung zhag gi bar dbang bskur ba rgyas par 'bul ba sogs sku sdig sbyong ba'i thabs bgyis mod/ 'di nyid bskyed rdzogs kyi thugs dam la gsal snang thob pa zhig yod pas/ mtshams sbyor ngan pas rgyud dkrugs kyang / gsal dngas rdzing bur rdo rgyab bzhin/ /sngar gyi gnad kyis bar ma dor/ /zhes gsungs pa bzhin/ bar dor grub mtha' snyog par/ dam pa bslu ba med pa gsum zhal 'dzom byung bas de la ltos par mi gda' na'ang / nged rang gi sku drin gso ba phyogs su 'dug pas bgyis pa tsam yin/ chos lung der shas cher mtshams byas/ pha bla ma tshar pa chos rje de'i sku drin gyis/ skyid sdug thams cad dge sbyor du bsrel thub tsam bdog pas skyid pa yang byung / lugs gnyis nas rnam g.yeng med pas dge sbyor kyang shin tu 'phel