[A:146]ba zhig byung ba yin no/ /der mkhan chen rin po che las/ tshe dbang dang rnam sras kyi rjes gnang zhig thob/ rje bla ma kun bzang mthu stobs kyi zhabs las mi tra khrid drug sogs chos kha yar thob/ lo de'i zla ba bcu gcig pa'i gnam gang la rje bla ma nges par grub pa dkar rtsi rtogs ldan de zhi bar gshegs pa'i zhal chems su bdag pos gsung ba yod 'dug pa bzhin 'bod du byung bas bla ma'i dam tshig la bsams nas phyin/ sku gdung rin po che zhugs la 'bul ba dgongs rdzogs kyi gsol 'debs sogs/ gang ci thams cad thugs dgongs rdzogs nges shes pa bsgrubs mod/ de'i tshe rtogs ldan pa rnams kyi mdzad spyod/ mos gus thams cad kyi snang tshul nges par byung ba de lags so/ /der khong rnam pa za ba la ma 'cham par nang 'thab mang po byas pa'i grib kyis khams nyog la rgyud 'khrug pa shin tu ma bde ba zhig nas phyir log /bres gshongs su zhag sdod byas pa'i gnas tshang de/ rig 'dzin chen po bstan gnyis gling pa'i dbon po yin par gda' bas/ khong gi phyag na rig 'dzin chen po'i sku 'dra phyag nas ma zhig 'dug pa de la byin rlabs zhus ma thag ma bde ba thams cad sbrul gyi shun pa brjes pa bzhin sangs kyis dag /sems la 'gyur ba chen po zhig kyang byung