[A:160] sang de rdo rje rab brtan ma'i rjes gnang shin tu rgyas pa zhig mdzad/ do nub nas bzlas pa re dang gtor bsngos kyang ma chag par mdzod gsungs/ tshe dpag med 'chi med rnga sgra'i dbang zhig gnang rjes chos rje ka bzhi pa'i thugs dam gyi dkyil thang zhig kyang gnang / rin po ches brgyad cu gya bzhi bzhugs pas khyod tshe ring ba'i rten 'brel mdzod gsungs/ gzhan yang ngo mtshar ba'i ltad mo dang zhal 'phros mang po zhig gsung gi 'dug ste/ mkha' 'gro'i dbang mos dngos su rjes su bzung / /mkha' 'gro'i gsang tshig ngo mtshar mang du thos/ /mkha' 'gro'i bu khyod skal ba rab yin zhes/ /mkha' 'gro'i gtso des gsal bar lung bstan mdzad/ /bla ma 'di dpyal kun mkhyen chen po'i sku skye gnyis pa/ gsang rnying mtha' dag la mkhas pa'i tshad/ lo sum cu bug sgo la bzhugs nas thugs dam mdzad/ 'phral bgres mo de tsam du song nas kyang chos gos rnam gsum dang mi 'bral/ phyi dro'i kha zas 'jam tsam yang mi bzhes/ dang po sku gzhon pa'i dus ni nyin re la tshar re/ da lta zhag gnyis kyi khongs su brgyad stong pa tshar re zhal 'don mdzad pa zhig yin/ phyag gi mdzub mo gnyis la oM gsum ma'i sngags 'phreng nA ga ro'i yi ger gsal po byas pa zhig gda'o/ /de nas dbon shrI byang chub sems dpa' chen po rgyal ba bzang po'i gdung brgyud rnam par dag pa lcags stod nang so nam mkha'i drung gis shog gsung ba ltar lcags stod du phyin dgongs