[A:162]sgrub chen bka' brgyad drag po rang byung rang shar chen po'i rdul tshon gyi dkyil 'khor du rtsa dbang / sgrub dbang thun mong dang thun mong ma yin pa/ sgrub phran gyi dbang / rjes gnang / yi ge phra mo tshun rdzogs pa dang / sgrub chen bka' brgyad bde gshegs 'dus pa dang / gsang ba yongs rdzogs kyi dbang yongs su rdzogs pa/ rdzogs pa chen po kun tu bzang po'i dgongs pa zangs thal du bstan pa dang / rang byung rang shar chen po'i dbang myong khrid/ lung / rdo rje slob dpon gyi gtad rgya'i bar yongs su rdzogs pa/ gu ru tshe brtan rgyal mtshan nas brgyud pa'i bla ma zhi drag /thugs rje chen po yang snying 'dus pa sogs so so'i bzhed pa dang mthun pa'i dbang / rjes gnang / lung gi rnam grangs bsam gyis mi khyab pa zhig bgyis/ khams pa rin cen byang chub sogs kha cig la shangs chos yongs su rdzogs pa zhig kyang bshad/ lo de'i zla ba bzhi pa nas bzung / bstan pa'i sbyin bdag gnas gsar bas bla ma rdo rje 'chang de'i thugs kyi dgongs pa rdzogs pa'i thabs su lam 'bras lha khang khyad par 'phags pa 'di bzhengs pa'i dbu tshugs pa ltar/ de'i srung 'khor dang gzungs kyi do dam gnod sbyin 'khor lo sgrub pa/ logs bris kyi dkyil 'khor rnams la zhu dag sogs nyin mtshan ngal dub med pa'i dge ba'i bya ba zla ba phyed dang lnga'i bar bgyis pa'i mthar/ bdag la bla ma 'di mchog tu sku drin che ba zhig yin na'ang zhal bzhugs pa'i dus zang zing gi 'bul ba mang po bgyis mod/