[A:172]yin par rang dbang 'dus la so bsod pa zhig byed snyam pa ltar/ pha bla ma thugs dam brtag pa zhus pas 'di nyid babs byung ba bzhin/ zla ba gsum pa'i nang du dpal sbug 'debs pa'i 'go tshugs/ zhal ngo bgres gzhon tshang mas las byed rnams la skabs chang / thug pa/ bzhes spro sogs 'phral 'phral du sku drin bskyangs/ nang gzan skya ser rgan gzhon thams cad kyis las chos su mthong ba'i mos gus kyis dpung pa sa 'og tu bcug pa'i las ka shugs drag tu mdzad/ mnga' zhabs pa rnams kyis las ka blos longs la bzhun pa byas pa bzhin zla ba lnga pa tshun la shing rtsi tshun zhabs su chud la/ de'i skabs pha bong g.yag drug 'gyur tsam gyi chen po sgril ba sogs drag rngal kho na'i ngang la song mod/ su la'ang rmas zhur tsam yang med cing legs tshogs kyi rten 'brel mang du byung / de'i tshe rje btsun dam pa pa rnam na phebs 'dug pa nas mjal du phyin/ rdo rje 'jigs byed zhe dgu ma'i dbang sku drin gyis bskyangs/ pa rnam lhun grub rtse'i zil gnon du slob dpon chen pos lung bstan zhing rigs 'dzin chen po bstan gnyis gling pa'i thugs sras chos rje dpal 'byor lhun sdings pa'i drung la rang bzhin rdzogs pa chen po dgongs pa zang thal gyi dbang rags pa/ lung shin tu zhib pa/ khrid dmigs kyang yod tsam dang bcas pa phul/ de nas zla ba bzhi pa la mkhas pa'i 'byung gnas dpal zhwa lu gser bkang gi chos grwar pha bla ma mkhan chen thams cad mkhyen pa chen po'i zhal snga nas kyi drung du sleb/ nyin re bzhin gsung chos thun gsum ma sku drin bskyangs te/ gsang 'dus rim lnga sogs khrid che chung 'dres pa brgyad so so'i lung dang bcas pa sogs chos kyi tshul bsam gyis mi khyab pa'i sku drin thob/ brag dmar mkhan chen sogs