[A:186]sde dang mthun par yid ches par bsgrubs/ sde pa gnas gsar bas yo byad mang du gnang ba la bzhi rten rab ston yang rgya cher bgyis la bzhin bkra shis pa'i dge mtshan du ma yang lhun grub tu byung ste bstan pa la bya ba bgyid pa'i dbu 'di nas brtsams pa yin no/ /tshur lam lha lnga rdzong du zhag gnyis tsam bsdad de/ lugs gnyis la mkhyen pa yangs pa sde pa rin po che sku skye yab sras me dbon rnams la dgongs bzhed dang bstan pa'i gu ru drag dmar sogs dbang rjes gnang mang du phul zhing / bsnyen bkur 'bul ba'ang rgyas par mdzad/ myug tu slebs ma thag nas bzung ste/ zhal ngo drung sogs la rje btsun rdo rje bdag med ma/ phyag na rdo rje gtum chen/ bde mchog lU hi pa/ rdo rje 'jigs byed chen po lha bcu gsum ma/ 'od zer can ma lha lnga/ thugs sgrub kyi dbang rgyas 'bring bsdus gsum dang padma dbang chen yang gsang khros pa/ tshe sgrub nyi zla kha sbyor/ gsang ba 'dus pa/ spyan ras gzigs/ bcu gcig zhal so bdun ma/ a ra pa tsa lha lnga sogs dbang mang po/ sgrol dkar/ rta mgrin/ gtsug tor 'bar ba/ 'od zer can/ mgon po lha chen dpal 'bar sogs rjes gnang mang po/ gu ru chos dbang gi gter 'byung chen po sogs lung mang po 'bul bzhin pa'i ngang nas/ rje bla ma gnubs sgom sbas pa'i rnal 'byor las mi tra brgya rtsa'i rdul tshon gyi dkyil 'khor du dbang rdzogs pa dang / thugs rje chen po'i sgrub thabs brgya rtsa'i rjes gnang sogs