[A:189]kyis mdzes pa'i dge 'dun drug cu tsam la sa chog rgyas pa dang bcas pa'i dpal dus kyi 'khor lo sku gsung thugs yongs su rdzogs pa'i dkyil 'khor du dbang bskur te/ rgyud kyi rgyal po 'grel pa dang bcas pa'i lung dka' ba'i gnas su bshad pa dang / spyi don gyi bshad pa shin tu rgyas pa cho ga'i lag len dang bcas pa legs par 'chad bzhin pa 'di yin no/ /de'ang bla ma rdo rje 'chang de'i sku drin gyis bu lugs kyi rgyud kyi bshad bka' dang / jo nang pa lugs kyi phyag len phra rags thams cad la gzhan dring mi 'jog tsam yod kyang / bu lugs kyi phyag len phra rags bslab phyir/ rje bla ma byang gling 'jam pa'i dbyangs kyang nye bar spyan drangs shing / chos rje sgrom bu pa bya ba'i bla ma gar 'chams mkhas pa'i tshad ngor chen pa de las lha mo bcu gnyis kyi mchod gar bslab pa sogs nyin mtshan du rang gzhan bslab sbyangs kyi bya bas dus 'da' bar bgyis so/ /de nas zla ba bcu gnyis pa'i nyer drug la pho brang rin spungs su dpon slob rnams chibs bsu la sogs pa'i bsti stang gya nom pas bsus te sleb/ nyer dgu la sa chog gi gar rgyas pa bgyis pa'i tshe/ me tog gi char kha ba lta bu babs/ sde pa rgyal bu khri thog pa 'di sku gzhon nur gyur pa des/ kho bo cag 'jam pa'i dbyangs dang / slob dpon padma'i rnam par rim pas gzigs nas 'khor 'dus pa rnams la gar pa'i gtso bo pha gi ni 'di dang