[A:6]las ngan 'ching ba dam/ /nyon mongs shugs drag gnyen po'i go cha ngan/ /dus ngan mtha' 'dir rkyen ngan mang chen pas/ /yi mug gtam gyi gleng rgyu brjod las 'das/ /rang sems col chung grong 'dabs g.yeng ba mang / /le los dus 'das gnyid kyi dbang du song / /bar ma'i rkyen gyis rang sems kha khrid pas/ /btang snyoms 'di yin med kyang shin tu mang / /de la bdag dad pa dang shes rab tu ldan pas bla ma dam pa bsten pa sogs mkhas pa dga' ba bskyed thub pa'i bya ba yang re mang bgyis/ skyid chos ngan lang ma thon pa'i bag med kyi spyod pa gzhon pa 'dod sred can kha gcig la 'gran sdo ba 'dra ba yang mang po bdog /'di yin ci yang med pa'i phyo ma ling byis pa mno mi shes pa thal rtsed la yengs pa 'dra ba ni bsam gyis mi khyab/ de dag gi skabs su dga' ba dang skyid po byung ba la bsams na nam langs pa'i khar nyi ma shar ba lta bu/ sdug po byung ba bsams na snying rlung ldang la khad pa mang po myong ste/ thams cad dran pa'ang mi gda'/ dran tshad bris kyang thang chad la snag shog gzan pa las/ 'di byed ci yang med pa 'dra zhing / dam pa gzhan tsho'i rnam thar du 'das ma 'ongs thams cad legs par bris yong gin 'dug na'ang / bdag gis na ning byas pa tsho da lo mi dran pa gda' bas/ skye ba snga ma phan ci 'dra yin/ gang 'dra byas dran pa'i nam mi gda'/ skyes bu dam pa rnams kyi gsung las/ snga ma gang byas rang gi lus la ltos/ /zhes gsungs 'dug pas/ skye ba snga ma des mi dge ba kham chen rang ma byas tsam zhig yin pa 'dra snyam pa ni yong gin 'dug /des mtshon ma 'ongs pa'i cha'ang / bla ma yab sras kyi