[A:8]zhing / mi byed dgu byed mangs pa 'di tshos ni gong ma de dag gi zhabs 'dren pa las mi 'dug na'ang / rigs rus smos pa de kun gyi srol du 'dug pas/ de'i lugs la/ bod kyi rtsa ba'i rus chen mi'u gdung drug tu grags pa'i nang tshan/ dang po ni 'a zhwa rje zhes bya ba rgyal phran cig yin par 'dug pa las/ je zhig nas bod kyi rgyal po'i mnga' 'og tu song zhing / rgyal po'i dpon du'ang gyur/ bod du dam pa'i chos byed pa'i bca' khrims mdzad dus kyi nang rje la gtogs pa zhig pas/ dpon 'a zhwa rje zhes rdo ring gi yi ge rnams su'ang thebs pa'i rgyal brgyud de las rim gyis mched nas/ bstan pa phyi dar gyi dbu la/ 'a zhwa mgo bo che'i sras/ 'a zhwa ye shes g.yung drung zhes bya bas khams su sdom pa len du byon pa'i tshe/ dpal lha sar ye shes kyi mgon po dngos dang mjal/ khyod kyi mi brgyud chos brgyud dang bcas pa'i srung ma ngas bya/ khyod khams nas zla gcig la 'khor ba gyis zhes gnang ba thob/ bla chen po'i mkhan bu kre'o mchog bla zhes bya ba las sdom pa der bsam bya ba thob nas gtsang du byon/ rda ni 'dres rdas/ 'o yug mda'i ra shag /rtag gi gnas po che rnams su dge 'dun gyi sde btsugs shing / de dag las gyes pa/ ldan pa bo thang/ khor re skyi sgang / nyang ro bud mdo/ khu lung lhags phral/ 'o yug gsal la sgang sogs sde dum gyis shing 'tsho mthu che ba'i grags pa thob/ de nas rim gyis 'a zhwa lha'i blo gros kyis lha sa la zhig gsos mdzad/ lugs gnyis kyi khrims bcas/ rdo ong bkra shis 'od 'bar du grags pa btsugs pa da lta'ang yod par gda'/ a mes jo sras phur pa 'phel gyis rngog lo chen po blo