[A:266] grwa sa de'i slob gnyer ba 'ga' zhig gis/ tshogs su 'bel gtam la bzhengs par zhus pas/ re zhig mi bzhed pa ltar mdzad/ nan gyis zhus pas bzhengs te phar phyin la chos 'khor gyi gzhung bzhes te 'phros bshad dang dam bca' mdzad pa la/ phyi rgol blo gsal ba zhig gis 'bel gtam phul ba'i lan dang / slar thal 'gyur mang po phyir bzlog pa'i mthar/ nyams char gyi gsung lhongs che ba mang po byon pas bde yangs kyi tshogs la bzhad mo che bar byung ba/ sne'u sdong pho brang gi rtser gong ma chen po'i snyan du gsan pas de 'phral jo gdan zhig zhabs drung sku mdun du byung ba la/ gong ma chen po'i gsung gis de ring tshogs langs su yin gsung pa la/ yol nas dbon po yin par 'dug zhus pas/ dga' tshad yin gsung gsol ja lting rgyugs gnang ba'i snod li ltir legs pa dang bcas pa stsal/ de nas me tog mdangs can gyi tshes bcu chen mo la/ rtse tshoms chen du dpon blon rnams las byang le brgyad ma la dbyangs dang 'chams shin tu rgyas pa gnang ba'i gzigs mo la phebs pas 'chams sogs la phyag len la dgongs bzhed song ste/ las byang zhig thugs la bzung bar/ mtshan nyid pa'i thos grogs kun gyi da lta slob gnyer 'chag pas 'di ma 'dzin zer ba la/ thod ri'i nang gi phug chung ngu gcig por bzhugs te 'dzin pa gnang bas/ mnal cung zad cig byung ba'i mnal lam du shel brag gi gu ru phug pa'i ngos la 'dzegs nas thegs pas phug pa'i nang na slob dpon rin po che padma 'byung gnas sku shin tu gzi mdangs che ba rig 'dzin gyi cha lugs can gtso 'khor gsum 'ja' tshon gyi dkyil na bzhugs pa zhig mjal ba la phyag mchod phul zin