[A:461]gru'i mkhan po lcags kyi ral pa can/ /'dir gru skya shes pa yod dam zer/ /blo thogs med shes zer nga blo bde/ /las byas pas ma shes mgo bo 'khor/ /gru'i mkhan po blo 'khrugs tshig rtsub smra/ /sku gces pa bla ma bzhugs bzhin du/ /nges shes zhes rdzun tshigs ham gtam smra/ /khyod ltas ngan tsam zhig shes sam ci/ /shes mi shes lta zhes smra na rung / /nges shes zhes ham tshig smra ba po/ /tshig 'di 'dra phyin chad ma smra zer/ /de nas phung po ri bo che'i thang chen po brgal stag grub kha la byas/ khyi 'phrang rdo them gyi 'phrang dog mo bshags rgya po'i pho brang gzhis ka rin spungs su sleb/ de dus sde srid dbus dmag 'khor 'phral chab srid dar zhing rgyas pa go 'phang mtho ba'i skabs rang yin te rin spungs rang na bzhugs 'dug mjal phrad thugs shin tu dgyes pa byung / khyed yon tan gyi grags pa chen po 'dug pas lcags thang rab 'byams pa lta bu'i 'chad nyan zhig rgyob shog gsung ba sog bka' bkod bslab bya mthil phyin pa gnang / byang la rings pa'i stabs kyi zhag po gsum min pa sdod skabs ma byung de nas yar lam g.yung la byas g.yung la bud tsam de na 'brog yul rtsa kha bzang po byas pa zhig 'dug pas der bsdad pas kha ba chen po babs rogs rtse chen pa drung rams pa chos 'phel zer ba des bla ma rin po che 'brog pa ru song bas thugs dgyes rang dgyes drags yod zer bzhad gad thag ge bsdad/ lha brgya byin gnas la co 'dri ba'i/ /bod rin cen spungs pa'i pho brang mthong / /mi ngag dbang 'jigs bral spyan zur 'dzum/ /thugs dgyes pa'i bka' mchid mang du dar/ /g.yung la rtser ja skol mangs ba'i