[A:27]bsam par rje btsun dam pa 'di nyid kyis ci gsung bsgrubs te/ dpal ldan sa skya pa'i rgya che la zab pa'i chos rnams thob pa zhig byas/ thos bsam sgom gsum mthar phyin nas bstan pa dang sems can la phan par byed dgos dgongs pa shar/ sku dang 'bral med lta bur bzhugs/ de'i dus shig gsol dpon ma chen ma bzhugs pa zhig la rje'i drung gis ma chen myur du yong de bar gnyer gyis gsung / de'i dus dang dpon slob la gsol ja cung zad dkon par yod pa la/ khams nas rje nyid kyi bu chen mi nyag dpon po mgon po 'od zer gyis gsol ja bzang ba mang ba'i 'bul skyes byung bas/ chos rje'i drung gzhan dang mi 'dra ba zhig 'dug /gnyer byas ma thag ja'i 'bul skyel 'di tsam byung / rten 'brel shin tu legs gsung mnyes mnyes mdzad/ ji ltar tshong dpon gyi bu nor bzang gis dge ba'i bshes gnyen bsten pa'i tshul lam/ rtag tu ngus byang chub sems dpa' chos 'phags bsten pa bzhin du rtse gcig tu lhur mdzad pas/ lam zab mo bla ma'i lam gyi rten 'brel thams cad rang shugs kyis 'grig ste/ rnal 'byor dbang phyug birWa pa'i thugs kyi bcud/ rje btsun sa skya pa yab sras la tshad ma snyan brgyud bzhi ldan bar ma chad bar bzhugs pa'i nyams bzhes kyi gtso bo rje 'di nyid la brgyud pa gsum 'dus kyi gtso bo gcig tu 'dus shing / khyad par rje sems dpa' chen pos gzhan la cher ma gnang ba'i gdams pa gsung ngag rin po che slob bshad/ bdag chen blo gros rgyal mtshan dpal bzang po la bka' babs/ des rje btsun rdo rings pa/ de la rdo rje 'chang tshar chen chos kyi rgyal po blo gsal rgya mtsho grags pa rgyal mtshan