[A:28]dpal bzang pos gsan te/ de nyid kyis bdag la thugs brtse ba chen pos rjes su bzung ste gnang ba'o/ /de yang snang gsum yan 'dar du mdzad/ de'i lung gi skor la/ thog mar bla ma gong ma rnams kyi sku bstod gsol 'debs/ sher snying 'don thabs kyi lung 'phags pas mdzad pa/ lam 'bras phyag mchod/ bla ma brgyud pa'i rnam thar rje btsun rdo ring pa'i bar tshang ma/ gzhan yang brgyud 'debs dang / chos spyod kyi rigs shin tu mang ba/ de nas dpon slob zha lur phebs/ sngags lam dus/ sems bskyed/ slob ma rjes 'dzin nas bzung / kye rdo rje'i rdul tshon gyi dkyil 'khor du rgyu dbang bskur ba/ bdag med lha mo bco lnga'i rdul tshon gyi dkyil 'khor du dbang bskur ba/ phyi nang gi bskyed rim shin tu rgyas pa'i sems 'dzin/ lam zab bla ma'i rnal 'byor thun mong dang thun mong ma yin pa nang gi bla ma'i rnal 'byor/ gsang ba gnyis kyi byin rlabs/ nA ro mkha' spyod kyi byin rlabs/ bla ma rin 'byung gi byin rlabs lung sogs/ bdag med lha mo bco lnga'i sindhu ra'i byin rlabs/ rnam 'joms bir lugs kyi tshom bu'i dkyil 'khor du byin rlabs tshar gsum khug pa/ brda chig brgyud/ lam sbas bshad/ gsang bcu'i rgyas gdab/ bsgrub pa lung sbyin yan chod tshang la yongs su rdzogs pa/ de dag dang rjes su 'brel ba'i gsung ngag glegs bam sogs rje btsun gong ma'i yi ge /po ti dmar chung tshang ma/ chos rje bla ma dam pas mdzad pa'i pod nag ma tshang ma/ phyag len kyang thos par dka' ba'i zab gnad/ dbang bskur ba'ang tshig rigs kyi bshar sbyangs tsam ma yin par gdan gsum tshang ba'i sbyang gzhi sbyod byed ngo sprad pas sngags kyi sdom pa skye