[A:29]nges/ lhag par rgyu dbang gi skabs su dbang stegs kyi dkyil 'khor rgyas pa/ rje btsun gong ma'i yi ge las byung ba'i phyag len gyi rgyun ma nub pa/ 'khor 'das dbyer med kyi lta ba'i ngo sprod kyang / na yams tsam ma yin par rgyud gsum rgyas bshad dang bcas pa la rig thog tu brdar sha chod pa'i nyams len gyi rkang tshugs pa/ lam sogs nyi shu tshang ma'i 'khrid/ zhar byung bar do'i nyams len/ de dag gi tshod 'dzin rmi lam gyi gdams pa/ dbang bzhi gdan thog gcig tu nyams su len tshul de nyid rig pa skad cig ma'i steng du skyong tshul sogs thun mong ma yin pa'i zab gnad med du mi rung ba dang bcas pa/ mdor na bogs 'don gegs sel sogs thun mong ma yin pa'i phra zhing phra ba nas phyag 'khrid/ nyams 'khrid tshig 'khrid skabs su gang bab/ bstan bcos tshad ma rdo rje'i tshig rkang gi gzhung gi bshad pa'ang lung sogs kyi zol zog ma yin par thugs thog nas 'bru non dang bcas pa 'brel chags shing dka' gnad kyi bshad pa sogs ches cher sgro 'dogs chod par mdzad pas/ phyi nang gsang ba de kho na'i rten 'brel mtha' dag cig car 'grig ste/ tshad ma snyan brgyud bzhi'i mnga' bdag chen por bzhugs pa yin no/ /gzhan yang lam skor phyi ma brgyad dang bcas pa/ lam skor phyi ma'i lung dang bcas pa shin tu tshang ba/ gsung ngag sngags lam man la zla ba bdun/ snang gsum yan la ma nges byung lags/ rje nyid la rin po che rdo ring pa de nyid kyis/ khyod la bstan pa dang sems can la phan pa'i slob ma mchog tu gyur pa gsum yong bas/ de gsum po la ring bsrel 'di 'dra re re byin gsung /