[A:30] gsum yod pa las/ gcig rje nyid la gnang / dkyil 'khor rgya mtsho'i rigs bdag he ru ka /zhing 'dir ngur smrig 'chang ba'i blo gsal zhabs/ /mkhas shing grub pa'i dbang phyug bla ma de'i/ /zhabs sen chu shel dkar po'i mdangs 'od can/ /khyod gtsug nor bu'i spo la shar ba'i mod/ /thugs kyi chu gter ngos su gsang chen gyis/ /cha shas yongs su rdzogs pa'i ri bong can/ /snyan brgyud bdud rtsi'i gter de lhungs pa bzhin/ /gang las gsung ngag padmo'i ze'u 'bru'i bcud/ /thob pa'i rkang drug ldan pa bsam yas kyang / /slob bshad zab mo a dum wA ra yis/ /ge sar snying pos 'tsho ba khyod kho na/ /bdag cag gi dpal ldan bla ma dam pa/ bde bar gshegs pa thams cad kyi ye shes kyi sku gcig pu 'jam dbyangs khro bo'i dbang po de nyid kyi drung du pha bla na med pa'i rgyud kyi snying po zhe sdang can gtso bor 'dul ba gshin rje gshed kyi chos skor gyi nying khu/ zab pa las kyang ches shin tu zab pa/ dpal rdo rje 'jigs byed chen po'i chos skor du ma zhig nos pa'i tshul ni/ spyir 'di nyid la mal/ zhang / skyo/ gnyos sogs sgyur byed dam pa du mas spyan drangs pa'i bshad srol mang du bzhugs na'ang / gtso bor gyur pa mchog tu zab cing khyad chos du ma'i sgo nas khyad par du 'phags pa ni/ mthu stobs kyi dbang phyug rwa lo tswa ba chen po nas rim gyis brgyud de/ rim pas brgyud pa gsum gyi bka' thams cad rje btsun 'di la babs pa/ de nyid thob pa'i rim pa ni/ thog mar bcom ldan 'das dpal rdo rje 'jigs byed chen po drag po khros pa lha bcu gsum gyi ras bris kyi dkyil 'khor du smin byed kyi dbang bzhi yongs su rdzogs pa thob/ grol