[A:31]byed kyi lam/ dpal rdo rje 'jigs byed chen po'i rdzogs rim rwa 'khrid mkha' 'gro snyan brgyud nyams 'khrid du thob/ rdzogs pa'i rim pa rnal 'byor bzhi 'khrid/ rdo rje'i tshig gi rnam par 'byed pa'i 'khrid/ rwa rtse sems 'dzin/ mtshan ma gyen sgreng / mtshan mo rgyu ba rnams phyogs gcig tu bsgrigs nas dbang bzhi'i lam rdzogs pa'i 'khrid/ rtsa ba'i rgyud rtog pa bdun pa sogs nas rwa pod yongs rdzogs lung / rgya ston gyis mdzad pa'i yig chung rnams zab gnad khyad par can/ 'bri gung dpal 'dzin skor tshang ma/ de dag gi phyag len sogs tshang ma phyag 'khrid du thob/ dus gsum sangs rgyas thams cad kyi ngo bo rje btsun 'jam dbyangs gshin rje gshed chen po de nyid kyi drung du/ pha bla na med pa'i rgyud kyi rgyal po thams cad kyi snying po/ rje btsun rnal 'byor gyi dbang phyug dpal ldan chos skyong birWa pa'i zhal gyi bcud phyung ba/ skal ldan dbang po yang rab grol bar byed pa'i lam/ dpal gshin rje gshed dmar po'i rdzogs rim shin tu spros pa med pa'i de kho na nyid kyi 'khrid/ nyams 'khrid du thob pa'i thog mar dpal gshin rje gshed dmar po lha lnga'i ras bris kyi dkyil 'khor du dbang bzhi yongs su rdzogs pa phyin ci ma log pa thob/ lha mo 'od 'dzin ma'i byin rlabs/ 'od gsal 'bar ba'i byin rlabs/ bdud rtsi byin rlabs/ lung gi skor sogs shin tu tshang ba/ rab 'byams rgyal ba'i gsung dbyangs rdo rje'i sgra/ /gdul dka' 'dul phyir dbang chen khros pa'i gar/ /ma lus 'gro la grub gnyis dpal ster ba'i/ /drin chen bla ma mchog der snying nas 'dud/ /rje btsun dam pa de nyid kyi drung du/ /sgrub chen bka' brgyad