[A:32]'dus pa'i yang snying / gsang ba las ches gsang ba padma dbang chen yang gsang khros pa'i chos skor yongs su rdzogs par thob pa las/ thog mar dbang chen lha dgu'i ras bris kyi dkyil 'khor du dbang bzhi yongs su rdzogs pa thob/ 'chi med tshe'i rdzong chung gi dbang / lung gi skor la/ dpal rta mgrin yang gsang khros pa'i rgyud la sogs pa lung yongs rdzogs/ dpal dus kyi 'khor lo'i dbang yongs rdzogs/ rgyud/ 'grel chen sogs dus 'khor skor/ pha bla ma rdo rje 'chang chen po de nyid kyi drung du/ mkha' la spyod pa'i grong du bgrod pa'i nye lam du ma thob pa las/ thog mar rje btsun sa skya pa yab sras la nye bar brgyud de 'ongs pa'i gser chos thun mong ma yin pa/ mchog bsgrubs pas thun mong zhar la 'byung ba/ dmar mo skor gsum gyi chos skor rdzogs par thob pa las/ thugs gtsigs dang thugs dam gyi gtso bor gyur pa zhal gzigs kyi brgyud pa bar ma chad pa/ paN grub dbang po nA ro ta pas rgya gar gyi slob ma yongs su rdzogs pa'i paNDi ta bcu gnyis tsam dang / bod yul mar pa lo tsA la sogs pa dka' ba spyad pa'i slob ma su la yang ma gnang bar bla ma pham thing pa sku mched kho na la rjes su gdams pa'i gsang chen nA ro mkha' spyod ces nyi zla ltar grags pa'i sindhu ra'i dkyil 'khor du byin rlabs/ 'khrid kyi rim pa zab mo slob bshad du thob/ yig cha'i lung tshang ma/ rgyal chen indra bhu tis mdzad pa'i indra mkha' spyod dam/ phag mo zhal gnyis mar grags pa'i sindhu ra'i dkyil 'khor du byin rlabs thob/ yig cha'i lung shin tu tshang ba/ rdo rje rnal 'byor ma rig pa 'dzin ma chen mo'am/ mai tri mkha' spyod