[A:33]du grags pa'i byin rlabs/ yig lung tshang ma/ bcom ldan 'das phag dkar shes rab snang ba/ bla ma dpyal lo tsA ba'i khyad chos/ rje btsun rdo rje rnal 'byor ma zhal gnyis ma/ dbu bcad ma/ don grub rnams kyi sindhu ra'i dkyil 'khor du byin rlabs thob/ de dag gi yig cha'i lung / seng ge sgra'i rjes gnang / 'jam dbyangs dkar po'i rjes gnang / mkha' 'gro ma seng gdong can dmar mo'i rjes gnang / gzhan rjes gnang shin tu mang ba thob/ rje btsun rdo rje 'chang chen po de nyid kyi drung du/ dpal rdo rje nag po chen po gur gyi mgon po'i chos skor du ma thob pa'i thog mar/ gangs can bstan pa'i mnga' bdag rje btsun sa skya pa yab sras las brgyud de 'ongs pa'i snyan brgyud tshad ma bzhi bar ma chad pa'i man ngag tu gyur pa/ rgya mtsho lta bu'i bka' drin nos pa'i bka' babs bzhi'i dang po/ /brgyud pa thams cad kyi rtsa bar gyur pa/ rje btsun sa skya pa'i gdung brgyud kho na la chig brgyud du byon pa'i zab chos dang / sras kyi thu bo yar klungs pa khu dbon las brgyud pa dang / snyan brgyud 'dzin pa'i bar sdings pa rdo rje rgyal mtshan nas brgyud pa ste/ bka' babs gsum gyi bcud bsdus pa kha'u brag rdzong pa'i lugs phyin ci ma log pa thob pa las/ dang po rnal 'byor dbang phyug birU pa nas brgyud pa/ gnyis pa bla ma rdo rje gdan pa nas brgyud pa/ gsum pa kha che paN chen nas brgyud pa/ bzhi pa bla ma mal lo tsA ba nas brgyud pa/ brgyud pa'i bka' babs gnyis sam/ don gyis bzhi dang ldan pa/ snying po'i man ngag zab cing gsang ba rtogs par dka' bas/ rje btsun sa skya pa'i gdung brgyud rim pa'i chig brgyud