[A:56]snang mtshan ma'i chos su ma skyes/ gnyis med stong pa'i chos su mi 'gag par gsal tsam na 'di yin gyi mtshan mas stong zhing / stong tsam na ye shes kyi rang gdangs 'gag pa med par 'char bas/ gsal ba dang stong pa zung du 'jug pa'i lhan skyes kyi rang bzhin du ye gdod ma nas bzhugs pa/ thugs kyi gsang ba bsam gyis mi khyab pa/ ji lta ba sngon du 'gyur rgyu'i thugs mi zad pa rgyan gyi 'khor lo'am/ dus gsum sangs rgyas thams cad kyi thugs rdo rje'i ngo bo ste/ de bzhin gshegs pa thams cad kyi sku gsung thugs kyi gsang ba bsam gyis mi khyab pa'i rang bzhin nam/ khyab bdag chen por bzhugs pa yin no/ /bde chen lhan skyes he ru ka dpal dang / /sher yum chos dbyings zung 'jug ngang du rol/ /dpe don ye shes zil mngar ro la spyod/ /rdzogs rim rtog pa mngon gyur de la 'dud/ /ces pa ste// // ! mkha' 'gro'i dri ba dri lan bzhugs so/ /srad kyi dgon pa bde chen pho brang na yang hor zla bdun pa zhig sku mtshams la yod pa'i tshes bco brgyad kyi tho rangs kha bu mo gzhon nu ma skra mchog mthing zhun gyi mdog ltar sngo mdangs yod pa/ mig dkyus ring zhing sgri khas mdzes pa/ smin ma dang sma ra ser khyug ge ba/ mchu padma'i sgros ltar mdzes shing / gos indra nI la'i mdog can stod g.yogs dang bcas pa/ rin po che'i rgyan du mas brgyan pa zhig byung bsam pa la/ rmi lam yin nam mig 'khrul ba yin snyam pa la/ de na re/ dge ba'i bshes gnyen pa'i 'khrungs sa dang rigs gang yin/ chos lo du la mdzad/ slob gnyer gang du mdzad/ gsang sngags kyi chos su la zhus/ chos lugs gang yin/ de'i nang nas nyams len gang la byed