[A:58]snyan brgyud man ngag zab mo rnams/ /ma brjed snying gi dkyil du chongs/ /de skad gsung zhing rjes su gdams/ /nyams len gtso bo lam 'bras yin/ /rgyun par gnas sa 'di yin med/ /ces blangs pas 'di skad lo/ /khyed rang nyams len dang thos bsam cher med gsung na'ang / 'di phyi thams cad du legs 'dug /nged 'jig rten pa skye ba dman pa 'di rnams tshe 'di snang gi g.yeng ba sna tshogs kyis g.yengs/ nam 'chi ni cha med/ shi ba'i dus gang gis kyang phan par ni mi 'dug bcug rang byed zer zhing / glu 'di skad lo/ /bslu med kyi snying po'i don ldan pa'i/ /mtshan ldan bla ma'i zhabs la 'dud/ /snying med 'jig rten byed pa rnams/ /snying po longs par byin gyis rlobs/ /'bral mi phod pa'i pha ma bor/ /ngo shes mi rnams rgyab tu skyur/ /rgyus med mi yi lung par sleb/ /don med mi la blo gtad 'chol/ /glo snying brang gsum re ltos byas/ /nye ba'i mig gis yang yang ltas/ /zhim pa'i zas ni yod tshad byin/ /gang zer kha la ma nyan med/ /dka' ba'i las rnams byas gyur na/ /cung zad nyes pa'i dus byung na/ /gdug sems khros pa'i bzhin bltas te/ /kha nas mi snyan sna tshogs smra/ /dgra yi bzhin ldan bza' grogs 'di/ /ji ltar bsten kyang snying po med/ /snying med skye dman rnams la gzigs/ /nang par ldang ba'i snga shos byed/ /nub mo nyal ba'i phyi shos byed/ /dka' ba'i las rnams dang du len/ /tsha grang sdug bsngal khyad du bsad/ /rkang lag bya yi sder ltar 'gro/ /ji ltar byas kyang snying po med/ /snying med skye dman rnams la gzigs/ /rgyug mo dpon mo'i