[A:59]ngos 'dzin dang / /'khor mang mang po srol skyong dang / /khyim mtshes gnyen gyi kha srong 'di/ /zhum pa med par byas gyur kyang / /mgu ba med la 'khang pa mang / /snying med skye dman rnams la gzigs/ /rang las skyes pa'i bu tsha yang / /ltogs skom brjed med bskyangs na yang / /rang mgo thon nas drin gshags byed/ /snying med skye dman rnams la gzigs/ /gzhon pa'i dus su gang byas drag /drang por skyes pa'i lus ni sgur/ /lo zla mang po'i dmag gis bdas/ /sha khrag zad pa'i gnyer mas gang / /skra dkar lcags kyus mgo bo btab/ /dbang po dngas ma mig kyang 'gribs/ /bya la 'jab pa'i 'gro lugs dang / /brtod phur 'don pa'i ldang lugs sogs/ /rgas pa'i lus 'di 'khos med la/ /tsha yug mang po'i gnyer pa dang / /mi yong las kha'i bcol gtad rnams/ /lus kyis gang dgos byas gyur kyang / /dga' ba med khar gtam lab 'dzed/ /snying med skye dman rnams la gzigs/ /e ma snying med 'gro ba rnams/ /de 'dra'i tshe ring thub gyur kyang / /'di phyi gnyis ka med pa yis/ /ngan song gsog pa'i rgyu ru zad/ /gzhan ni nam 'chi cha med de/ /'chi ba nyi rgas grib so 'dra/ /phar phar bros kyang tshur tshur sleb/ /skyes bu'i tshe srog ri gzar gyi/ /'bab chu bzhin du myur mgyogs 'gro/ /na ning yod pa da lo med/ /kha sang yod pa da nang med/ /da nang yod pa da lta med/ /shi nas gar skye rang dbang med/ /ngan song sdug bsngal thar dus med/ /lha ru skyes kyang sdug bsngal ni/ /dmyal ba las kyang sems sdug che/ /mi ru skyes kyang gsog 'jog dang / /yod pa zad