[A:60]kyis dogs pa dang / /med pa btsal gyis mi lang ba/ /skye rga na 'chi'i sdug bsngal la/ /thar dus mi 'dug a tsa ma/ /thugs rjes gzigs shig dkon cog gsum/ /snying nas 'dud do rnal 'byor pa/ /zhes len gyi 'dug pa la lan smra dgos dgongs pa la 'ja' yal ba ltar song / bsam blo zhig btang bas snying la bab pa'i chos kyi bskul bar 'dug bsam yi ger bris pa'o/ /yang rang gi chos thob pa'i bla ma rnams la skye bo gzhan dag gis khrod nas 'ga' zhig la gnas tshul la brnyas pa'i skur pa cung zad 'debs pa na'ang bshad sbyang gi sgo nas zlog pa'am/ de lta bu ma bde na thugs dam gyi ngang du bzhag nas 'dzin pa gtan ma byung ba mdzad/ phyag tu dngos po drag pa'i rigs gang byung yang / thog mar rin po che kun mkhyen la 'bul/ der rjes rin po che tshar chen la 'bul/ bla ma brgyud pa ma chad cing / dbang bskur rjes gnang legs par thob/ bsnyen sgrub drag sngags kyang thems par bzlas rtags kyang thob/ man ngag kyang bla ma dam pa'i thugs zin pa shes/ zhi rgyas dbang drag gang bsgrubs kyang las sla bsam pa la/ yongs 'dzin dam pas ma zin pa rnams/ rjes gnang ming gtags pa'i tshig don cho ga lag len kyang thad la med/ bsnyen sgrub tshul bzhin lta ci smos/ sngags kyang thad du mi shes pa rnams dang yang sngags dang sha'i ri bo tsam/ lang long mang po bcos nas rnga dung rol mo drag po sgrog /sems mi dran dgu dran sna tshogs byed/ bya khyi rnams la phan pa tsam ma gtogs gzhan gang la'ang mi phan pa 'dug pas snang ba skyo/ 'di 'dra'i sngags pas ci la phan/ /mdo rgyud sangs rgyas bka' dang mthun/ /rgya bod mkhas pa'i gzhung lugs de/