[A:63]lam dang / /dran pa yengs pa med pa dang / /bsod nams tshogs gsog dag la 'bad/ /de la bya bral bzang po zer/ /rang gzhan don ni 'grub par nges/ /zhes kyang smras so/ /yang sgo yab kyi gdan sa sogs bzhag /thugs dam rtse gcig tu mdzad dgos dgongs pa la/ byams pa mdu grong pa zer ba'i grwa pa zhig yod pa la/ mkhar rtse nas sde pa 'jigs byed rgyal pos/ /rin po che sku mtshams gnang rgyu yin 'dug pa des na nged kyi rdzong 'dir sku mtshams gnang na bzhugs sa 'gol po zhus chog pas bzhugs dgos gsungs pa la/ sde pa 'di nyid 'gyur ldog chung zhing brtan pa zhig 'dug /de skad gsung ba bka' drin che zhing / rjes su yi rang smon lam gyi 'brel pa zhu/ gzims khang spro zhing dben chod kyang / /gang gis kyang bsam gtan la gtser ba med pa'i sgo gsum dben pa la gnas pa la/ ri khrod cig rang gal che ba 'dug bsam/ de'i lan du dben pa la dga' ba 'di skad do/ /drug pa rdo rje 'chang chen de/ /mi yi gzugs su sku sprul pa/ /mtshan yongs su grags pa'i tshar pa rje/ /dus deng nas byang chub ma thob par/ /mi kho bo'i gtsug gi rgyan du bzhugs/ /bdag 'du 'dzi'i g.yeng ba kun spangs nas/ /chos brgyad kyi dri mas ma gos par/ /dben pa'i ri khrod dam pa ru/ /gnas par byin gyis rlob tu gsol/ /mi 'gyur rdo rje brag ri'i steng / /dgra las rnam rgyal rdo rje'i rdzong / /khang bzang lta bas chog mi shes/ /longs spyod rnam thos bu dang mtshungs/ /de 'dra'i mkhar rtse'i yang rdzong du/ /bsdad na rang skyid mi yis smon/ /zas gos longs spyod lhun grub kyang / /rnal 'byor bsam gtan bsgom pa'i gnas/ /rgyal ba