[A:64]gong mas byin gyis brlabs/ /nyin mo skye bo'i rgyu 'grul med/ /mtshan mo dgra yi gtser bas dben/ /chu shing mthun rkyen 'dzom pa'i sa/ /thag ring bas mtha'i sman ljongs ngos/ /nags tshal 'thug pos ra bar bres/ /ljon shing rgyas pa'i smin legs ma/ /sngo ljang 'dab ma'i gos kyis klubs/ /me tog rgyas pa'i 'dzum dkar rgod/ /'bru yi dga' ston ci yang 'gyed/ /ku mud bzhad pa'i do ra na/ /sbrang rtsi'i ro mngar myangs pa yis/ /dri za'i rgyud mangs dang mtshungs pa'i/ /glu dbyangs sgring sgring 'tsher ba yis/ /rna dbang tshim pa'i rkang drug lding / /spu sdug gos gyon shug sgra can/ /'jol sgeg rma bya tsa ko ra/ /nags kyi mdzes ma'i tshogs rnams kun/ /phan tshun 'phur lding g.yo zhing rtse/ /lha bya gong mo skad snyan bsgyur/ /chu shel 'bab 'dra'i chu bo'i rgyun/ /lhung lhung snyan sgrog dal gyis 'bab/ /khor yug gangs ri'i ra bas bskor/ /steng phyogs baiDUr sngon po'i lam/ /chu 'dzin dkar po'i ba dan brkyangs/ /na bun gsar pa'i cod pan 'khrigs/ /sa gzhi mar gad byugs pa 'dra/ /de 'dra'i sngo ljang gsar pa'i seb/ /utpal mig can ri dwags rnams/ /bag phegs dal rgyu dga' bas rtse/ /bya yis rnal 'byor gnyid las slong / /nags kyi gar mkhan rtsed 'jo yis/ /rnal 'byor skyo ba sangs par byed/ /e ma de 'dra'i gnas mchog tu/ /rang byung brag phug bzang po'am/ /yid 'ongs rdo leb brtsigs pa'i khang / /ljon shing dra ba'i bsil grib la/ /'jam 'bol sgrub sla'i rtswa yi gdan/ /de steng rnam snang 'khor lo yis/ /'dug stangs rdo rje'i lus 'di ni/ /g.yo med drang por rab bcings nas/ /ngag 'khyal ca co