[A:65]sgra rgyun bcad/ /mchu sgros g.yo med lha sku bzhin/ /mi rtag 'chi bas rab bskul nas/ /yud tsam sdod pa'i long med par/ /ma gyur 'gro ba'i khur khyer nas/ /bdag ni bla med byang chub sgrub/ /rgyud sde kun gyi yang snying mchog /rgya bod mkhas grub bgrod pa'i lam/ /rtsod pa kun dang bral ba'i mchog /birWa'i thugs bcud lam 'bras dang / /mar pa'i thugs bcud snyan brgyud che/ /zab chos ni gu chos drug bcas/ /dam chos sdug bsngal zhi byed de/ /'di bzhi rnal 'byor nyams len yin/ /khyad par gsung ngag lam 'bras 'di/ /bstan pa lus rdzogs gdams pa yin/ /lam gyi snying po bla ma'i lam/ /skyabs gnas kun 'dus bla ma rje/ /'gran zla kun dang bral ba de/ /rje btsun tshar pa chen po yin/ /gdan gsum tshang ba'i he ru ka /mgon de'i zhabs pad gtsug gis bsten/ /lus srog longs spyod ma lus pa/ /cig car phul nas dad pa yi/ /nyin mtshan kun tu gsol ba 'debs/ /dbang bzhi'i chu bos sgrib sbyangs te/ /gdod ma'i lhan skyes bla ma de/ /rjen par mthong ba a la la/ /rang ngo shes pa ngo mtshar che/ /bla ma sangs rgyas dngos dang mjal/ /bla ma sangs rgyas bsgrub ma dgos/ /snyan brgyud dmar 'khrid nyams 'khrid thob/ /the tshom dogs gcod bya mi dgos/ /thob thob dam chos mang na yang / /mgo gzhug tshang ba re re tsam/ /lus med bum pa gang byor thob/ /dga' yo skyid do 'dir bzhugs rnams/ /bkra shis dga' ston mnga' gsol lo/ /bla ma bzang po'i bkra shis shog /brgyud pa bzhi yis bkra shis shog /sa skya mar mi ni