[A:66]gu khyung/ /dam pa rgya gar bkra shis shog /bkra shis mi 'gyur brtan par shog /yi dam bzang po'i bkra shis shog /kye rdor bde mchog bkra shis shog /chos skyong bzang po'i bkra shis shog /ma hA kA la rnam bzhi dang / /rnam thos sras kyi bkra shis shog /ces pa 'di dpal ldan bla ma dam pa bsod nams rgyal mtshan gyis bzhugs pa'i gnas snye thang chos rdzong gi gzims chung du mgur du blangs pa/ dben pa la dga' ba'i gtam/ snying gi skyo ba bsangs pa zhes bya ba'o// // ! rang la lcag 'debs su nyan pa'i chen khang par sbyar ba/ rje sangs rgyas kun dngos rdo rje 'chang / /pha sprul pa'i rgyal po tshar pa rje/ /yid zol zog med pa'i dad sems kyis/ /bu snying nas 'dud do thugs rjes skyongs/ /sngar phan chad 'khor ba 'dir 'khyams te/ /lus ngan gyi gzugs phung grangs med blangs/ /sdug bsngal la ma myong med pa 'di/ /sems nyid tha mal gyi rnam rtog kho/ /rgya 'byams su song bas lan pa yin/ /da dung gtan 'khyams byed 'dod na/ /gdams ngag la zhus lo thob lo dang / /dge sbyor la byas so'i khral 'dis chog /a tsa ma snying gi rul ba la/ /'jig rten gyi snang tshul 'di mthong ba na/ /gang la bltas kyang skyo ba rang skyes/ /gang la bsams kyang sdug bsngal rang gi rgyu/ /da mi khyod la snying gcig yod pa yis/ /snying dag pas sangs rgyas thob 'dod na/ /snying khong dkyil nas dkon mchog la/ /blo dang 'gre nges kyi skyabs 'gro dang / /mkha' mnyam sems can snying bcug pa'i/ /smon 'jug gi sems bskyed legs par gyis/ /skyabs gnas kun 'dus pa'i bla ma de/ /mngon sum lta bur gsal btab ste/ /bdag tu bzung ba'i dngos po nas/ /lus