[A:67]kyi bar gyi zhen chags rnams/ /ltos pa med par lings kyis phul/ /bdag gir mdzad de mnyes par bsam/ /snang ba 'di rang sems yin pa'i phyir/ /don la'ang de ga yin lags mod/ /pha rdo rje 'chang chen bla ma la/ /slar yang khral 'jal ma yin pa'i/ /gsol ba snying gi dkyil nas btab/ /don gyi dbang bzhi legs par zhus/ /so so'i skabs su nges shes bskyed/ /chos rnams rang gi sems nyid yin/ /de nyid gsal stong zung 'jug dang / /brjod bral phyag rgya chen por bcad/ /de ltar thun bzhi'i sgo nas ni/ /ma yengs nyams su blangs byas nas/ /mi lus thob pa don can 'gyur/ /drin can pha ma'i drin kyang 'khor/ /mtshan ldan bla ma'i dgongs pa rdzogs/ /don 'di rtse gcig nyams su len par shog /rtse gcig tu nyams su len pa'i dus/ /phyi nang gi bar chad byung ba na/ /dpal mgon po rnam gnyis la sogs pa'i/ /mkha' 'gro chos skyong gis bar chad srungs/ /dmar po skor gsum la sogs pa'i/ /nor lha rnams kyis mthun rkyen sgrubs/ /slob bshad snyan brgyud kyi bstan pa 'di/ /gangs can gyi ljongs kun khyab par shog /'gro kun rnams smin grol byed par shog /ces pa 'di nyid chung chung nas yun rings 'grogs shing rang 'dod skyo ngal med pa'i bu/ dbon po blo gsal tshe dbang srad phyogs la zhag 'ga' song bas cung zad skyo ba'i snang ba shar bas rkyen byas/ /da nam 'chi cha med/ shi ba'i tshe chos min pa nor longs spyod dbon po dang grogs po blo la gcags pa'i g.yog /pha ma bza' grogs gang gis kyang mi phan/ rang la nor sna gcig /gnyen mi gcig dang 'grogs dbang