[A:68]'khyer dbang med pa rang nyid gcig pu mar gyi dkyil nas spu bton pa ltar 'gro dgos/ de tsam yin na'ang drag ste/ ngan song gsum gyi sdug bsngal yun ring la dos drag pa myong na bcug byed/ da lta cung zad lus la na tsha ngos drag pa tsam byung ba'i rkyen mi theg na/ dmyal ba kha 'thor ba'i sdug bsngal tsam la yang / mi gcig gi lus la mi lnga brgyas mdud thung lnga brgya drag tu btab pa'i sdug bsngal gyi char yang mi phod par mdo rgyud las gsungs 'dug na/ chos rnam par dag pa mi byed pa'i don mi 'dug bsams rang la lcag 'debs su dpal ldan bla ma dam pa sogs dam pa mang pos zhabs kyis bcags pa'i gnas nyan du rang gi bsam gtan khang par blangs pa'o/ /yang sgo yab kyi gdan sa mdzad pa'i dus shig /da sgo yab kyang bzhag gong gi gnas de lta bur thugs dam byed dgos bsam pa la/ tshes bcu'i tho rangs rin po che tshar chen dang mjal/ spyan nan che ba zhig gzigs nas/ nged rang la slob ma a re mang yod kyang / chos rje'i drung gis dam tshig dang sdom pa la gnas shing byang chub kyi sems dang ldan pas/ bla ma dang bstan pa la bsams brtson 'grus drag pos skyo ngal spangs nas gzhan don byed dgos pa yin/ da lta bshad sgrub kyi bstan pa'i rjes su 'jug pa yod tsam gyi dus 'dir 'chad nyan thos bsam byas na phan yon gzhan las che ba yin/ gzhan don mi yong ba zhig yin na sgrub pa kho na byed pa khe mod/ de 'dra ni ma yin/ yang 'di yin gyi mdzub mo 'dzugs rgyu med pa'i dpe nyog mang po bltas pa'i 'chad nyan la snying po ci yang med/ bla ma gong ma tshad ldan gyi dgongs pa dang mthun