[A:7]dang / rang sangs rgyas dang / 'phags pa nyan thos dang / lha dang / lha ma yin dang / lto 'phye la sogs pa'i dbang po dang / rgyal po dang / blon po dang / khyim bdag dang / bram ze dang / kun tu rgyu dang / khyab 'jug dang / dbang phyug dang / tshangs pa dang / nyi ma dang / zla ba dang / mu stegs can gyi ston pa dang / seng ge dang / mkha' lding dang / glang po che dang / spre'u la sogs pa dang / gzings dang / zam pa dang / mtsho dang / rdzing bu dang / mchod pa dang / gtsug lag khang dang / skyed mos tshal dang / sman dang / bdud rtsi'i zas dang / skom dang / gos dang / rin po che dang / ljon shing dang / bum pa bzang po dang / dpag bsam gyi shing la sogs pa gang la gang 'dul gyis 'dul ba'i sku'i rnam pa mtha' yas pa dag gis zhing mtha' yas pa dag tu sems can gyi don mdzad pa ni bsam gyis mi khyab pa las/ kun mkhyen thub pa'i dbang po'i bstan pa'i rgyal srid la mnga' mdzad nas/ bshad sgrub gnyis kyi mdzad pas lung rtogs kyi rgyal sa mdzes par byed pa'i chos kyi 'khor los sgyur ba'i rgyal po/ nyon mongs nad kyis gzir ba'i 'khor ba pa rnams la zab rgyas chos kyi bdud rtsis zug rngu gtan nas 'byin par byed pa'i sman pa'i rgyal po/ srid pa'i mtsho las bsgral te mya ngan las 'das pa'i gling du bde blag tu 'khrid par byed pa'i ded dpon chen po/ bdag dang bdag gir 'dzin pa'i ling tog gis blo gros kyi mig long ba'i phyin ci log gi g.yang sar gom stabs 'chos pa rnams yang dag lam la bkri bar mdzad de/ rnam pa dang mchog gi grong khyer chen por 'khrid par byed pa'i sa mkhan chen po/ chos