[A:139]rgyal srid legs par bskyangs te/ bstan pa'i sbyin bdag chen po'i dgongs bzhed dang mthun par chos rje thams cad mkhyen pa nyid kyi dus kyi mchod pa chen po 'dzugs par dgongs te/ rje bla ma nyid kyis gtso mdzad dpon slob nyi shu tsam gyis rje bla ma mkhyen brtse'i zhabs kyi thugs dam gyi snying por mdzad pas 'jigs byed rwa lugs bcu gsum ma'i sgrub mchod/ gzhan yang dpal dus kyi 'khor lo bu lugs/ jo lugs/ kye rdo rje man ngag lugs/ bdag med lha mo bco lnga/ bde mchog nag po ba/ phag mo so bdun ma/ nA ro mkha' spyod ma/ sgrol ma bla med/ phyag rdor gtum chen/ gzungs gra lnga/ tshe dpag med lha dgu /bla ma mchod pa ste gsar ma'i chog gra/ byang gter thugs rje chen po 'gro ba kun sgrol/ bla ma rigs 'dzin/ thugs sgrub 'bring po/ gter gsar gu ru zhi ba/ gu ru drag po/ drag po nyang lugs/ thugs sgrub chen po/ /bka' brgyad gsang ba yongs rdzogs/ 'joms byed sgrom bu ma/ na rag dong sprugs/ tshe dpag med rdo rje 'phreng ba ste/ gsar rnying gi dkyil 'khor de dag thams cad rdul tshon gyi dkyil 'khor du sgrub cing mchod pa dang / gur zhal gyi gtor sgrub rgyas pa dang 'jigs byed drug cu pa/ gur lha brgyad kyi dmar chen gtor bzlog /zhal gyi dam tshig bskang gso/ 'jigs byed dang / dus 'khor gyi rgyas pa'i sbyin sreg /de dag gi skabs su so so'i sa chog /mchod gar/ 'chams sogs de dag thams cad kyang ding sang gi 'byung khung 'di'o