[A:301]bod du bse 'bag tu byas pa'i sku 'bag nyid g.yas 'gying du yod pa/ zhal gnam sa lta bu gdangs pa yod pa ltar du rang grub tu byung ba ni bzo bo'i rig byed sogs der gnas pa kun gyis mthong ba de yin/ da lta'i bar du yang cung zad g.yas la 'gying ba dang bcas pa yod do/ /de la yang rab gnas rgyas par sgrub pa'i ston mo sde pa che sa nas dgra 'dul drung gis bka' drin bskyangs/ rim pas mtshon rdzogs kyi mthar sku gsum gyi spyan 'byed par brtsams zla ba dgu pa'i tshes lnga la rgyal phur gyi 'phrod dang bstun/ tshogs kyi ston mo bzang po dang bcas mtshon gyis dbye bar brtsams pa na/ rnam snang mtsho'i thugs ka'i bde ba chen po'i ye shes kyi spyan de nyid dngos su sems can gyi don du sku brnyan 'di nyid kyi spyan gsum la bkra lam shar ba nas mtshan ma rdzas kyi mtshon dang lha bzo ba la ltos pa med par kun gyi mig sngar 'byor ba dang bcas pa yod cing / de lta bu'i sku brnyan spyan 'dren par brtsams nged rang gi yi dam lha'i bskyed rim brtan po spos kyi dri bzang phyogs kun khyab pa dang bcas g.yabs pa na/ gnyug mar gnas pa'i skor srung rnams dang rgyal chen bzhi/ phyogs skyong bcu sogs kyi rnam 'phrul 'od gzugs kyi rnam pas spyan 'dren pa'i gsal snang chen po byung / de ltar rten gyi bya ba thams cad yongs su rdzogs nas gong du brjod pa ltar gzungs bzhugs kyi steng du sku brnyan re re la sangs rgyas kyi 'phel gdung re re dang / gser zangs las grub pa'i gnod sbyin 'khor lo tshul bzhin bsgrubs pa re re dang bcas pa