[A:302]bzhugs yod la/ mthar rab tu gnas par sleb pa na/ gong nas mi dbang rnams nor bu'i 'phreng ba la sogs pas brgyan pa dang / zab ber la sogs pa'i rgyal po'i chas thams cad kyis brgyan nas bdag nyid bsu ba dang bcas ji ltar rab tu gnas bya'i khang par sleb/ 'og tu rab gnas khyad par ba kun dang thun mong ma yin pa zhag bdun du byas pa'i ye shes bstim pa/ rje ngag gi dbang phyug gis mdzad pa dang / rgyud dang rgya gzhung nas gsungs pa ltar la zhal shes kyis brgyan nas zhag gsum du byas pa'i mnga' gsol rgyas par stag lo zla ba drug pa'i sangs rgyas kyi dus tshes bco lnga la grub pa dang / 'di nyid kyi 'gram 'ding ba nas rab gnas kyi mnga' gsol tshun la zla ba bzhi dang zhag nyi shu'i khongs su gegs med du yongs su rdzogs par mthar phyin te/ bkra shis dang dge legs kyi rol pas dus kun 'tsho ba 'di lags/ gzhan yang lha khang 'dir sangs rgyas byang sems kyi li ma dang / zangs sku ji snyed dang / lag na ci yod kyi mchod rdzas thams cad dang / gong nas mi'i dbang phyug rnams kyi 'byor pa'i dngos kun ma lus pa zhum pa med par lan cig min par 'bul ba dang bcas lhan cig tu mchod sprin rgya mtsho lta bur dmigs nas phul ba dang / 'bangs thams cad kyi phyogs phyogs nas ji ltar nus pas bkur bas nam mkha' mdzod la 'gran bdo ba tsam byung / rang nyid kyi tshe 'di'i phun tshogs thams cad kyang zhing mchog dam pa dge 'dun gyi sde dang / bzo ba'i rig pa 'chang ba nyer gnyis dang bcas pa la rnam thos kyi bu'i 'byor pa ltar 'phongs pa med pa ltar lan gnyis