[A:303]su phul ba dang / rab ston gyi dpal 'byor ni lha 'dre mi gsum mthong bas tshim pa dang bdud rtsi'i rgyun ni ganggA'i rlabs ltar chal chil du longs spyod cing / so so nas glu dbyangs gar sogs kyi rdzogs ldan ltar byas pa byung / srung ma'i dbang po de dag gi drung gi dam rdzas mchod pa zag med ye shes kyi bdud rtsi ro brgya ldan pa ri bo la 'gran pa tsam btsugs nas dus dang rgyun gyi mchod pa ji srid gnas kyi bar du yod pa dang / de ltar sku gsung thugs phyi nang gsang ba ste drug ldan rten gzhan yang mi lpags kyi g.yang gzhi dang / gos nag gi 'phan dang / steng du gsang ba'i rnga thug sogs dpag med cig bzhugs yod do/ /rdo rje 'jigs byed la med du mi rung ba'i snyan brgyud zhal shes kyis brgyan nas dbang chog /gtor bzlog /sbyin sreg dang bcas pa/ sgrol dkar gyi rgyun gyi nyams len/ bsngo ba'i yi ge chung ngu / gsar rnying gi bla ma brgyud rim kha yar gyi mtshan sngags/ de mtshungs yid dam chos skyong kha yar gyi gzugs sngags rnams kyi par dang / gzhan yang chu chen por zam pa dang / lam 'dus che sar mgron khang dang / 'jigs pa'i gangs srag tu 'jigs skyob dang / phu chus cung zad 'phong sa'i lung par rdzing bu 'bru ba dang / lam 'phreng gi g.yang sa 'chos pa sogs mdor na sems can gyi bde skyid mi nyams shing gong 'phel gyi thabs la skad cig kyang g.yel ba med par byas kyang / dus kyis mkhyogs bas lan pa yin nam tig tig mi gda'/ gang ltar lus srog 'byor pa thams cad da dung rgyal ba'i bstan pa dang