[A:310]bstan pa'i mnga' bdag 'phags nor bdun gyis phyug pa'i rje ngag gi dbang phyug /mkhas btsun du ma'i ral pa'i khri la zhabs kyi padma ngal 'tsho ba lung rigs rgya mtsho'i mnga' bdag 'jam dbyangs dga' ba'i bshes gnyen/ rje btsun chos rje rin chen sgang drung rab pa/ grub mchog thang stong rgyal po'i gdung brgyud byang chub sems dpa'i spyod pas 'gro kun thar lam du 'dren pa'i rje ngag dbang blo gsal bstan pa/ dul ba zhi ba nye bar zhi ba'i spyod pas mdzes pa rje ngag dbang nor bu/ grub chen de nyid kyi nyer gnas kyi sras su bskrun pa'i rnam dpyod 'jam pa'i dbyangs la 'gran pa'i chos rje dkon mchog legs 'dzin/ gzhal du med pa'i yon tan rin po che la dbang 'byor pa'i byams pa shAkya blo gros/ mdo rgyud ma lus pa'i mnga' bdag 'chi med rigs 'dzin brnyes pa'i mkhas btsun sangs rgyas rgyal mtshan/ de nyid kyi thugs las 'khrungs pa'i rgyud sde'i don la blo gros kyi spobs pa brnyes pa/ shes bya'i don la blo gros kyi spobs pa gzhal du med pa gzhon nu dkon mchog grags pa/ sngags rnying ma'i theg pa nyi zla ltar gsal ba'i nyi shar rdor gling gi slob dpon kun bzang dpal chen/ bka' gter dam chos kyi glegs bam gtsang stod grum pa yongs kyi sngags gcig rtse gcig tu sgrub pa mchog la gzhol ba po dgon sdug legs ldan skyabs ma/ dgon chen/ phun tshogs sogs kyi sgrub chen rnams dang / gzhan yang dpal zha lu gser khang gi grang mo che'i slob dpon/ dpal 'khor chos sde chen po'i gur pa slob dpon/ rtse gcig tu sgrub pa snying por mdzad pa'i pa