[A:༤༡༢]ཞིག་སྙིང་ནས་བསམས། །ཡོངས་རྫོགས་ཁ་ཆེའི་པཎ་ཆེན་བསོད་སྙོམས་པ། །ཤཱཀྱ་ཤྲཱིའི་གྲར་ནི་འབད་པས་ཞུགས། །ཞེས་པ་ལྟར་པཎ་ཆེན་ལུགས་ཀྱི་སྡོམ་རྒྱུན་ཁུངས་བཙུན་བཞེས་པ་ཡིན་ཅིང་མདོར་ན་ཐེག་པ་ཆེ་ཆུང་གི་ཉམས་བཞེས་མཐའ་དག་མཐར་ཕྱིན་པས་ཚར་ཆེན་གྱི་གསུང་མགུར་དུ། ཕྱི་ཚུལ་ཉན་ཐོས་ཀྱི་སྤྱོད་པས་ཚུལ་ཁྲིམས་སྲོག་བཞིན་དུ་བསྲུངས་ཤིང༌། །ནང་དུ་གཞན་ཕན་གྱི་སྙིང་རྗེས་འགྲོ་ཀུན་བུ་བཞིན་དུ་བསམས་ནས། །གསང་བ་གཉིས་མེད་དགག་སྒྲུབ་བླང་དོར་དང་བྲལ་བ། །བཟོ་མེད་ལྷུག་པ་རུ་སྐྱོང་བ་རྣལ་འབྱོར་ཁོ་བོའི་སྤྱོད་པ། །ཞེས་གསུངས་པ་དང་མཐུན་པར་སྣང༌། སྔོན་གནས་དྲན་དང་གོམས་པའི་ནུས་མཐུ་རྣམས། །ཉི་མའི་དཀྱིལ་འཁོར་ཤར་ན་འོད་ཟེར་ལྟར། །ན་ཚོད་ཕྲ་ཡང་རྒན་བློའི་ཐོས་བསམ་ཚུལ། །མ་དྲུག་རྣམ་དཔྱོད་ཡངས་ལ་གཅིག་ཏུ་སྡང༌། །བླ་མ་ཡི་དམ་ཆོས་སྲུང་འབྲལ་མེད་དུ། །ཡོངས་རིག་གསུང་གསང་རྒྱུན་མི་ཆད་བཞིན་པར། །དངོས་ཉམས་འགའ་རུ་ཕྱོགས་ཙམ་སྟོན་པ་འདི། །མངོན་སུམ་གཟིགས་རྣམས་གབ་པའི་བརྫུ་བག་མཁན། །ངན་སྤྱོད་མཚོན་གྱིས་མི་ཕིགས་ཁྲེལ་གཞུང་གོ །ཚུལ་གནས་དམ་བཅའི་གཙུག་ནོར་འོད་འབར་དེས། །མི་དགེ་ལྷ་མིན་བཅོམས་ཀྱང་རང་སྡེའི་བྱར། །རྗེས་བརྩེའི་བརྒྱ་བྱིན་གཉིས་པ་དམིགས་སུ་མེད། །རིན་ཆེན་སྤུངས་པའི་སྲིད་ཀྱི་གཞན་དོན་ཕྱིར། །རང་གི་བདེ་བ་བོར་བའི་གཏོང་ལེན་འདིས། །འགྲོ་ཆེད་ལུས་སྲོག་འདོར་བའི་རྒྱལ་སྲས་ཀྱི། །རླབས་ཆེན་སྤྱོད་པའི་ཚད་དེ་ད་གདོད་འཁུམས། །ཁྱིམ་གཟུགས་སྒོང་སྦུབས་མཁས་བཙུན་གྲུབ་བརྙེས་པའི། །དབྱངས་སྙན་ལེགས་འཁྲོལ་ཀ་ལ་པིངྒའི་བྱ། །མཐོང་ཚེ་