[A:412]zhig snying nas bsams/ /yongs rdzogs kha che'i paN chen bsod snyoms pa/ /shAkya shrI'i grar ni 'bad pas zhugs/ /zhes pa ltar paN chen lugs kyi sdom rgyun khungs btsun bzhes pa yin cing mdor na theg pa che chung gi nyams bzhes mtha' dag mthar phyin pas tshar chen gyi gsung mgur du/ phyi tshul nyan thos kyi spyod pas tshul khrims srog bzhin du bsrungs shing / /nang du gzhan phan gyi snying rjes 'gro kun bu bzhin du bsams nas/ /gsang ba gnyis med dgag sgrub blang dor dang bral ba/ /bzo med lhug pa ru skyong ba rnal 'byor kho bo'i spyod pa/ /zhes gsungs pa dang mthun par snang / sngon gnas dran dang goms pa'i nus mthu rnams/ /nyi ma'i dkyil 'khor shar na 'od zer ltar/ /na tshod phra yang rgan blo'i thos bsam tshul/ /ma drug rnam dpyod yangs la gcig tu sdang / /bla ma yi dam chos srung 'bral med du/ /yongs rig gsung gsang rgyun mi chad bzhin par/ /dngos nyams 'ga' ru phyogs tsam ston pa 'di/ /mngon sum gzigs rnams gab pa'i brdzu bag mkhan/ /ngan spyod mtshon gyis mi phigs khrel gzhung go /tshul gnas dam bca'i gtsug nor 'od 'bar des/ /mi dge lha min bcoms kyang rang sde'i byar/ /rjes brtse'i brgya byin gnyis pa dmigs su med/ /rin chen spungs pa'i srid kyi gzhan don phyir/ /rang gi bde ba bor ba'i gtong len 'dis/ /'gro ched lus srog 'dor ba'i rgyal sras kyi/ /rlabs chen spyod pa'i tshad de da gdod 'khums/ /khyim gzugs sgong sbubs mkhas btsun grub brnyes pa'i/ /dbyangs snyan legs 'khrol ka la pingga'i bya/ /mthong tshe