[A:༣༩༢]གླེང་ཚེ་སྣོད་ལྡན་ཚོགས་རྣམས་རྣ་བ་བློགས། །དེའང་ཇི་སྐད་དུ། །རྒན་པའམ་ནི་གཞོན་པའང་རུང༌། །གང་ལས་ཆོས་ནི་རྣམ་ཤེས་པ། །དེ་ལ་གུས་པར་ཕྱག་བྱ་སྟེ། །ཟླ་བ་ཚེས་ལ་ཇི་བཞིན་ནོ། །ཞེས་ཟབ་པ་དང་རྒྱ་ཆེ་བའི་དམ་པའི་ཆོས་ཚུལ་བཞིན་དུ་སྟོན་པ་ཞིག་གི་མཐུ་ལ་བརྟེན་ནས་རྗེས་འབྲང་གི་སློབ་མ་ཡང་སློབ་སོགས་མཐའ་ཀླས་པའི་ཡོན་ཏན་གྱི་ཆ་མཐའ་དག་རྒྱས་པར་འགྱུར་བ་ནི་ཟླ་བ་ཚེས་པ་ལ་བརྟེན་པ། དཀོན་བརྩེགས་ལེའུ་ཞེ་གསུམ་པ་ལས། འོད་སྲུངས་འདི་ལྟ་སྟེ། དཔེར་ན་ཟླ་བ་ཚེས་པ་ལ་ཕྱག་འཚལ་བ་དེ་ལྟར་ཉ་བ་ལ་ནི་མ་ཡིན་ནོ། །འོད་སྲུངས་དེ་བཞིན་དུ་གང་དག་ང་ལ་རབ་ཏུ་དད་པ་དེ་དག་གིས་བྱང་ཆུབ་སེམས་དཔའ་རྣམས་ལ་ཕྱག་བྱ་ཡི། དེ་བཞིན་གཤེགས་པ་རྣམས་ལ་ནི་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ལས་ནི་དེ་བཞིན་གཤེགས་པ་རྣམས་འབྱུང་ངོ༌། །དེ་བཞིན་གཤེགས་པ་ལས་ནི་ཉན་ཐོས་དང་རང་སངས་རྒྱས་ཐམས་ཅད་འབྱུང་ངོ༌། །དེ་ལ་འདི་སྐད་ཅེས་བྱ་སྟེ། ཟླ་བ་ཚེས་པར་ཐམས་ཅད་ཕྱག་འཚལ་གྱི། །ཟླ་བ་ཉ་ལ་དེ་ལྟར་ཕྱག་མི་འཚལ། །དེ་བཞིན་གང་དག་ང་དད་དེ་དག་གིས། །རྒྱས་སྲས་བྱང་ཆུབ་སེམས་དཔར་ཕྱག་ཚོལ་ཞིག །ཅེས་གསུངས་པའི་དོན་བཞིན་བསྟོད་ཕྱག་གི་ཡུལ་དུ་བཤད་པ་ལྟར་ཚིགས་སུ་བཅད་པ་སྔོན་དུ་འགྲོ་བའི་སྒོ་ནས་སྐབས་སུ་བབས་པ་གླེང་བར་བྱ་བ་ནི་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་གསང་གསུམ་མི་ཟད་པ་རྒྱན་གྱི་འཁོར་ལོའི་བདག་ཉིད་རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་བསླབ་གསུམ་འཚམས་སྤྲིན་གོས་ཀྱིས་ཀླུབས་པ་རྗེ་བཙུན་བླ་མ་དམ་པ་དབང་ཕྱུག་རབ་