[A:༥༡༠]མ་སངས་སྤུན་དགུ། རྒྱལ་ཕྲན་ཉི་ཤུ་རྩ་ལྔ། བཅུ་གཉིས། སིལ་མ་བཞི་བཅུས་རིམ་གྱིས་དབང་བྱས་པར་བཤད་པ་ཀུན་མཁྱེན་མཁྱེན་བརྩེའི་དབང་ཕྱུག་གི་རྣམ་ཐར་དུ་མིའུ་གདུང་དྲུག་གི་ནང་ཚན་དུ་གསུངས་པ་གྲོང་དུ་དངོས་མིང་ངོས་མ་འཕྲོད་ཀྱང་ཞྭ་དམར་ཐམས་ཅད་མཁྱེན་པ་བཞི་པས་མཛད་པའི་ཁྲུས་ཁང་ལོ་ཙཱ་བ་བསོད་ནམས་རྒྱལ་མཚོའི་རྣམ་ཐར་དུ། ཕྱིའི་རུས་ཆེན་ལྡོང་ལ་ནང་ཚན་བཅོ་བརྒྱད་དུ་གྱེས་པའི་རོག་ཡིན་ཏེ། ཞེས་ནང་གསེས་ཀྱི་ཁྱད་པར་དུ་ངོས་འཛིན་པ་རྣམ་དཔྱོད་དང་ལྡན་པའི་གསུང་འདི་བཞིན་ལྟར་རུས་སོ་སོར་དབྱེ་གཞི་གཅིག་ལ་དབྱེ་བའི་ཡ་གྱལ་མང་དུ་བྱུང་བའི་རུས་ཆེན་དྲུག་གི་དང་པོའི་ནང་གསེས་སུ་གཏོགས་པ་གོར་མ་ཆག །རྒྱལ་ཕྲན་སིལ་མའི་ཁྲོད་ཀྱི་རྒྱལ་པོར་གྱུར་པ་རྗེ་གཉའ་ཁྲི་བཙན་པོས་བོད་སྤྱི་ལ་དབང་སྒྱུར་བ་ནས་མངའ་འོག་ཏུ་གྱུར་ཅིང་རྗེ་དང་གཉེན་བསྲེས་པས་དབོན་དུ་སོང༌། ལྷ་བཙན་པོས་བསྟན་པ་རིན་པོ་ཆེའི་ཆེད་དུ་ཆོས་ཀྱི་བཅའ་ཁྲིམས་མཛད་པའི་ཚེ་ན་རྗེར་གཏོགས་པས་རྡོ་རིང་གི་ཡི་གེར་ཡང་དབོན་འ་ཞ་ཞེས་རྒྱལ་རིགས་ཁུངས་བཙུན་དྲི་མ་མེད་པ་དེ་ལས་རིམ་པར་བརྒྱུད་དེ་གླང་དར་གྱིས་བསྟན་པ་བསྣུབས་རྗེས་སོ་ཐར་གྱི་བསྟན་པའི་མེ་རོ་སྨད་ནས་བསླང་བའི་ཚེ་འ་ཞ་མགོ་བོ་ཆེའི་སྲས་འ་ཞ་ཡེ་ཤེས་གཡུང་དྲུང་གིས་ཁམས་སུ་སྡོམ་པ་ལེན་པར་འབྱོན་པའི་ཞོར་དུ་ར་ས་འཕྲུལ་སྣང་གི་གཙུག་ལག་ཁང་མཇལ་དུ་བྱོན་པའི་དུས་སྟེང་ཁང་ལ་འགྲོ་བའི་སྐས་ཀྱི་མར་ཟུར་གདོང་ལ་དཔལ་ཡེ་ཤེས་མགོན་པོའི་སྐུ་གཟུགས་རི་མོར་བྲིས་པ་ཡར་འཛེག་སྐབས་ཡོད་པ་ལ་མར་ལམ་བྲིས་སྐུ་དེ་དཔལ་མགོན་པོ་དངོས་སུ་གྱུར་ཅིང་ཐོད་བའི་