[A:༥༡༡]ནང་ན་དགྲ་བོའི་སྙིང་ཁྲག་བླུག་པ་མི་རྩིབ་ཀྱིས་ཐུར་མ་བྱས་ཏེ་གསོལ་བ་མངོན་སུམ་དུ་བསྟན་ནས་རྗེས་སུ་བཟུང་བར་གསོལ་བ་བཏབ་པས། ཁྱོད་ཀྱི་མི་བརྒྱུད་དང་ཆོས་བརྒྱུད་བཅས་པའི་སྲུང་མ་ངས་བྱ། ཁྱོད་ཁམས་ནས་ཟླ་བ་གཅིག་ལ་འཁོར་བར་གྱིས་ཞེས་གསུང་གི་གནང་བ་ཐོབ་པས་འ་ཞ་མཐུ་ཆེ་བར་གྲགས་ཤིང་མགོན་པོ་འདི་ཉིད་རྩིས་མགོན་ཡིན་པར་སེམས། ཁམས་སུ་བྱོན་ནས་བླ་ཆེན་གྱི་མཁན་བུ་ཏྲེ་བོ་མཆོག་བླ་ལ་སྡོམ་པ་དེར་བས་མའི་རྒྱུན་བླངས་ནས་སྣ་ནམ་འདྲེས་བརྡ། འོ་ཡུག །གནས་པོ་ཆེ་སོགས་དགེ་འདུན་གྱི་སྡེ་བཙུགས་པ་དེ་དག་ལས་གྱེས་ཏེ་མང་དུ་འཕེལ། ཀུན་མཁྱེན་བུའི་ཆོས་འབྱུང་དུ་སྡོམ་པ་ཆབ་གཏོར་མའི་རྒྱུན་བླངས་ཞེས་སྣང༌། དེ་ནས་འ་ཞ་ལྷའི་བློ་གྲོས་ཀྱིས་ལྷ་ལྡན་གཙུག་ལག་ཁང་ལ་ཞིག་གསོས་དང་རྡོ་ཀོང་བཀྲ་ཤིས་འོད་འབར་ཕུལ། ཨ་མེས་ཇོ་སྲས་ཕུར་པ་འཕེལ་གྱིས་རྔོག་ལོ་རྒྱ་གར་དུ་འབྱོན་པའི་ཆ་རྐྱེན་ལ་གསེར་སྲང་བཅུ་བདུན་ཕུལ། གེགས་མེད་པར་ཕྱིར་བྱོན་ནས་ལོ་ཙཱ་བའི་ཆོས་འཁོར་གྱི་ཐོག་མ་ཡང་འདོལ་ཆུང་དུ་བསྐོར། དཔལ་ཨྱོན་ཆེན་པོས་བྱིན་གྱིས་བརླབས་ཤིང་མ་ཧཱ་ཀཱ་ལ་དངོས་སུ་བཞུགས་པའི་གནས་དང་ཟུང་འབྲེལ་དུ་ཇོ་བོ་བློ་གྲོས་ཀྱིས་གནས་གཞི་བཏབ་པས་རྩིས་གནས་གསལ་བར་གྲགས། དཔལ་ལྡན་ས་སྐྱ་པའི་མངའ་ཐང་སྒང་ལ་རྒྱག་པའི་དུས་ཆོས་ཀྱི་རྒྱལ་པོ་འཕགས་པ་རིན་པོ་ཆེ་དང་ཏི་ཤྲི་ཀུན་བློ་སོགས་ཀྱི་ཞབས་ལ། ནམ་མཁའ་རྒྱལ་མཚན། ནམ་མཁའ་བཟང་པོ། ཤཱཀྱ་སེང་གེ་ཅན་གྱིས་གཏུགས་པར་ཉང་གཞུང་མཐའ་དག་ཤེས་སུ་བཅུག་