[A:510]ma sangs spun dgu/ rgyal phran nyi shu rtsa lnga/ bcu gnyis/ sil ma bzhi bcus rim gyis dbang byas par bshad pa kun mkhyen mkhyen brtse'i dbang phyug gi rnam thar du mi'u gdung drug gi nang tshan du gsungs pa grong du dngos ming ngos ma 'phrod kyang zhwa dmar thams cad mkhyen pa bzhi pas mdzad pa'i khrus khang lo tsA ba bsod nams rgyal mtsho'i rnam thar du/ phyi'i rus chen ldong la nang tshan bco brgyad du gyes pa'i rog yin te/ zhes nang gses kyi khyad par du ngos 'dzin pa rnam dpyod dang ldan pa'i gsung 'di bzhin ltar rus so sor dbye gzhi gcig la dbye ba'i ya gyal mang du byung ba'i rus chen drug gi dang po'i nang gses su gtogs pa gor ma chag /rgyal phran sil ma'i khrod kyi rgyal por gyur pa rje gnya' khri btsan pos bod spyi la dbang sgyur ba nas mnga' 'og tu gyur cing rje dang gnyen bsres pas dbon du song / lha btsan pos bstan pa rin po che'i ched du chos kyi bca' khrims mdzad pa'i tshe na rjer gtogs pas rdo ring gi yi ger yang dbon 'a zha zhes rgyal rigs khungs btsun dri ma med pa de las rim par brgyud de glang dar gyis bstan pa bsnubs rjes so thar gyi bstan pa'i me ro smad nas bslang ba'i tshe 'a zha mgo bo che'i sras 'a zha ye shes g.yung drung gis khams su sdom pa len par 'byon pa'i zhor du ra sa 'phrul snang gi gtsug lag khang mjal du byon pa'i dus steng khang la 'gro ba'i skas kyi mar zur gdong la dpal ye shes mgon po'i sku gzugs ri mor bris pa yar 'dzeg skabs yod pa la mar lam bris sku de dpal mgon po dngos su gyur cing thod ba'i