[A:508] dam pa 'di'i rigs ni/ bod rgyal po'i dbon du gyur pa'i 'a zha zhes bya zhing de'ang zur mkhar blo gros rgyal po'i shes bya spyi'i khog dbug gtan pa med pa'i mchod sbyin gyi sgo 'phar yangs por bon gyi gtam rgyud drangs par/ gri gum btsan po'i dus dmag drangs nas kha che'i yul bcoms pa'i tshe yul bye brag pa puNdra sur brag nyung ma ltar gshog par byed pa'i rdzu 'phrul can gyi mu stegs bye brag pa zhig la 'a zha zer zhes gang zag cig la ngos bzung zhing mi shi ba dang phyugs bsad pa rang gi mi phyugs su skye/ phung po dang mnyam du sbas pa skye ba phyi ma dbang bar lung ston/ sha khrag gis mi ma yin pa rngan nas smreng gis dkrol bas phan par byed pa la bon nam leng tser grags la/ des ma rungs te rgyal po'ang long ngam rta rdzi zhes pas bkums smra ba gri gum gyi dus bod du 'a zha byung bar 'dod pa 'dra snang ba dang / dpa' bo gtsug lag gis mkhas pa dga' byed du/ gurNa kha tra zhes bya'i yul khams nas/ /mu stegs bon po 'a zha zhes pa byung / /zhes ngos bzung pa'i rdzu 'phrul can des rgyal po'i mtshan gri gum zhes btags par brten nas rgyal po grir bkums par bshad/ de nas rgyal rabs nyi shu rtsa bzhi pa dmus long dkon pa bkras byung bar yab 'gro gnyan lde'us ba zha'i yul nas sman pa bos nas mig phye gsung pa bzhin phye bas spyan byung ste ltag ri gnyan gzigs su grags pa ltar na 'a zha zhes pa yul gyi ming du bshad/ thams cad mkhyen pa dge 'dun rgya mtsho'i rnam thar zhal gsungs mar/ khri srong