[A:509]lde'u btsan gyi skabs/ rje sreg po khyung bzhi lha jo bo lcam dang lnga/ 'bangs ra klog can dang drug /se 'a zha gnyis dang bcas pa rnams/ chad pa mdo khams sgang nas chad/ chags pa g.yas ru shangs su chags zhes pa rnams gungs bsgrigs na gang zag rang mtshan pa zhig la bkar nas rgya gar phyogs na yod tshul khungs dag par mi sems te bon dang mu stegs mi gcig pas lo rgyus de 'dra dwags brgyud pas bon gyi rjes su 'brangs pa'i sgrung gi bye brag tu snang / spyir 'dzam bu gling pa'i mi rigs phyi bar nang gsum las/ rgyal rigs/ rje rigs/ bram ze'i rigs/ dmangs rigs te phyi rigs bzhi/ rgya gar lha/ rgya nag klu/ hor lha ma yin/ bod spre'u dang brag srin mo ste bar gyi rigs bzhi/ bka' chems bka' khol mar/ sprel phrug spun bzhi brgya po de tshan pa bzhir 'thabs pa dang mes pos bar mtshams byas te zhing la cha bzhir bgos/ gcig la gcig 'jigs nas tshan bzhir chad pas se dang / rmu dang / ldong dang / stong ste nang mi'u rigs bzhi rnams bcu gnyis po rigs kyi phyi mor grags/ mi'u gdung drug tu dbye na bod mi khri tho chen po bya ba de la dgra 'bru ldong lga dang nu bo dpa' rda ste bu drug ces bshad spyan snga lha gzigs ras pa'i yig tshang du/ dga' ldong 'bru gsum dgra dang bzhi/ /nu bo dpa' mda' gnyis te drug tu gsungs/ /tshal pa thams cad mkhyen pa si tu dge ba'i blo gros kyi hu lan deb ther du spre'u dang brag srin mo las mched pa