[A:559]byis pa gzhan rnams gra pa'i tshul du mdzad de chos 'chad pa'i rnam pa/ nga'i ming la btsun chung tshul khrims zer gsung pa/ mdos gtor/ cho ga /bskang bas mtshon pa'i lad mo sogs bskrun pa sku skye ba mang por 'khor lo gsum gyi bya ba la rtag 'grus su gnang ba'i bag chags kyi mthu brtas pa yin cing dus phyis sku rim la dgos pa'i 'jim pa sngar shul nas btsal kyang lar ma rnyed pas bka' las nged chung ngu'i dus su blo brid kyi rtse mo'i ched du gzhi bdag gis byin pa yin 'dra gsung / mdor na kun spyod mtha' dag chos dang mthun pa'i rnam 'gyur ma gtogs byis pa tha mal pa'i ngang tshul ye mi mdzad pas thugs sgam pa'i tshad thub par gleng / dgung lo lnga drug tsam la yum gyis snyan bad/ gong rna/ sor gdub sogs phul bar mi dgyes shing 'dogs par mi mdzad pa/ rdo rje 'chang tshar pa chos rjes/ la la ba lang ji bzhin spyod/ /kha cig bram ze'i rnam thar skyong / /kho bo nyan thos spyod pas mdzes/ /shugs 'byung skyong ba bla ma'i drin/ /zhes pa'i don bzhin yang srid du mar nyan thos kyi bslab pa la gnas pa'i bag yod kyi ngang tshul nyams sad pas khyim pa'i rtags dang cha lugs sogs la thugs mi gzhol bar gnas brtan 'dul ba 'dzin pa chen po 'byung ba'i snga ltas so/ /dgung lo bdun gyi steng du gangs ri'i ljongs 'dir thub bstan yongs su rdzogs pa'i shing rta pa chen po ma byon sangs rgyas gsum pa rab gsal gyi rnam par sprul pa thams