[A:28]maNDal bteg nas rig 'dzin chen po'i gter gsar bla ma bka' brgyad yongs 'dus dang drag po dbu dgu'i dbang gnyis kyis gtsos pa'i chos ci rigs gsan/ phyir phebs nas rin lding 'du khang gi shing rtsi ldebs bris kyi khur bzhes dang sgrub mchod bskang ba gzhan don gyi 'phrin las sogs rnam dkar gyi mdzad pa gong 'phel gyi ngang nas ring por ma lon par bsnyen par rdzogs pa'i dgongs pa bstang pa de yang bstan pa snga dar gyi dus thams cad mkhyen pa zhi ba 'tshos sad mi mi bdun rab tu byung ba nas bzung so thar gyi sdom rgyun dar rgyas su gyur pa rgyal po dar mas bstan la rma phyung ba'i rjes su dmar g.yo gtsang gsum gyis mdo smad nas bstan pa'i me ro gsos te rje btsun sa paN yan chad kyi sdom rgyun phal cher bla chen dang pA la rnam pa gsum nas dar ba'i stod 'dul ba'i rgyun yang byung mod/ kasmi ra ba'i paN chen bsod snyoms pa chen po bod du phebs pa nas bzung tshogs sde bzhi dang 'jam mgon sa paN nas brgyud par paN chen brgyud pa zhes snyan grags che zhing bdag nyid chen po bzang po dpal ba/ kun mkhyen bu/ thams cad mkhyen pa blo bzang grags pa sogs mkhas grub phal cher sdom rgyun 'di nas bzhes pa mang zhing / khyad par ngor phyogs su bsnyen rdzogs kyi gra bzang pa nas dpal e waM chos ldan yon tan ma lus 'byung ba'i gtsug lag khang du mkhyen brtse nus pa'i mnga' bdag tshul khrims kyi dri bsung gis phyogs kun tu khyab pas 'phags pa nye bar 'khor sa 'dir byon pa lta bu brtan mkhas kyi yon tan gnyis dang ldan pa don gyi slad du mtshan nas smos te yongs rdzogs