[A:120]zhang rdo rje dbang phyug dang / /ma gcig gzhon nu 'bum 'khrungs sku zhang la/ /sngar bzhin gong mas 'ja' sa gser yig gnang / /gzhon nu 'bum nyid dpal ldan sa skya ru/ /bdag nyid bzang po dpal gyi khab tu bzhes/ /sras ni gu shrI kun dga' nyi ma dang / /'jam dbyangs don rgyal chos rje bla ma gsum/ /bstan pa'i mnga' bdag chos kyi bdag por gyur/ /sku zhang rnga sgra'i sras po grags rgyal gyis/ /srid bskyangs rgya yul byon nas gong ma'i lung / /thob cing bod yul chol ka gsum dbang bsgyur/ /stag mgo nor bu gnyis pa 'dzin pa yi/ /hu shi du yan sha yi las ka dang / /gser bre brgya dang dngul bre lnga brgya sogs/ /gnang skyes gya nom stsal te bka' bzhin du/ /bod byon zhwa lu'i gtsug lag khang chen la/ /gser bskyed rgya phibs gser gyi ganydzi ra/ /dus gsum sangs rgyas sku dang bka' 'gyur sogs/ /gser las grub pa'i rten gsum khyad 'phags bzhengs/ /thams cad mkhyen pa bu ston rin po che/ /mkhan por mnga' gsol dge 'dun dar rgyas spel/ /sangs rgyas bstan pa nyin mor gsal bar mdzad/ /de sras hor gyi yul du sku 'khrungs pa/ /sku zhang kun dga' don grub ces grags pas/ /gtsug lag logs bris gzhal yas khang rnams bkod/ /bstan 'gyur bzhengs dang chos sde dar rgyas dang / /bu ston chen po'i zhabs 'degs bstan pa spel/ /de dang yab gcig sku mched sku zhang ni/ /ye shes kun dgar gong ma rgyal po yis/ /yab mes ji bzhin 'ja' sa gser yig dang / /thong kyi du wan sha yi lung yang gnang / /de dang yab gcig lcam sring khye 'dren dpal/ /