[A:121]sa skyar khab bzhes bla chen kun rgyal 'khrungs/ /dharma pA la nas bzung 'di yan du/ /gdung brgyud drug ring sku yi zhang por gyur/ /de nas sku zhang ye shes kun dga'i sras/ /sku zhang legs pa don grub pa la yang / /gong nas thong ji du wan sha'i las ka /khri skor shes sa'i 'ja' sa sngar bzhin gnang / /legs pa don grub sras kyi phyi tshar ni/ /don rgyal ba sogs gsum nas brgyud pa la/ /smad zhang zhes grags che ba don rgyal ba'i/ /sras gsum che ba sangs rgyas pa sogs gsum/ /de la rin chen bzang po la sogs lnga/ /rin bzang sras po gnyer chen pa rnams ni/ /sku zhang rnga sgra phyogs las mched pa'o/ /de yang sku zhang rdo rje dbang phyug sras/ /nam mkha' mchog grub rab tu ma byung gong / /sku zhang blo gsal ba dang rgyal ba gnyis/ /'khrungs pa'i sras la sku zhang dpal 'byor ba/ /de sras rdo rje 'chang dbang mkhyen rab rje/ /phun tshogs pa dang rgyal ba rnam sras pa/ /legs pa pa dang bkra shis pa rnams 'khrungs/ /rdo rje 'chang dbang mkhyen rab chos rje ni/ /rgyal ba'i yab gcig 'jam dpal dbyangs nyid las/ /shA ri'i bu dang rigs ldan chos rgyal dang / /rgya bod mkhas grub du ma'i skur bstan cing / /sku tshe 'dir yang chung ngu'i dus nyid nas/ /gshed dmar la sogs yi dam du ma gzigs/ /rnam thos sras sogs chos srung bran du 'khor/ /dga' ldan gnas nas rgyal ba byams mgon dang / /rgyal ba rab gsal zung gis lung bstan bzhin/ /ljongs 'dir shing rta'i srol 'byed bcu gsum sogs/ /dam pa'i chos kyis 'gro rnams smin par mdzad/ /khyad par thams