[A:119]cing rgyan gong gtsug lag khang / /bzhengs te sangs rgyas bstan pa'i me ro gsos/ /rang nyid kyis kyang gtsug lag khang chen dang / /chos grwa bzhengs par dgongs te lo ston la/ /mda' sbugs gser gyis bkang ste lung bstan zhus/ /babs pa'i gnas der zhwa lu'i chos grwa btab/ /rdo rje gdan nas slob dpon a bha yar/ /bsnyen par rdzogs te 'phags mchog spyan ras gzigs/ /spyan drangs gandho la yi gtso bor bzhugs/ /sangs rgyas gnyis pa jo bo chen po yi/ /rab gnas mdzad pas rten la phyag nas chags/ /jo bo'i lung bzhin chu bo siddha nas/ /'jig rten dbang phyug rang byon spyan drangs te/ /rgyal ba'i bstan pa nyi 'od bzhin du gsal/ /shin tu che ba'i las ka bzhi dang ldan/ /g.yu sgra'i sras la lce 'bum de yi sras/ /'bum ye'i sras la 'bum dar bya ba byung / /mnga' ris khri skor tsam zhig dbang du bsdus/ /de las 'bum rten de sras sang ye byung / /'di la chos kyi rgyal po 'phags pa yi/ /zhwa lu khri dpon zhes pa'i gser yig gnang / /khri dpon kun las che bar mnga' dbang bskur/ /de sras rnga sgra la sogs lcam sring drug /byung ba'i ma gcig lha lcam mkha' 'gro 'bum/ /sa skyar 'gro mgon phyag na'i khab tu bzhes/ /sras mchog dharma phA la rakShi ta/ /'khrungs nas sku zhang zhes grags bkur stir mdzad/ /gong ma'i lung las dpal ldan sa skya pa'i/ /sku zhang yin phyin nged kyi zhang po yang / /yin du chug ces mnga' 'bangs 'khor g.yog sogs/ /shes su bcug pa'i 'ja' sa gser yig gnang / /de sras sku