[A:122]cad mkhyen pa rong ston rje'i/ /chos grar pha rol byad kas nyan pa'i tshe/ /rdo rje 'chang dngos blo gros rgyal mtshan gyis/ /bstan pa nyams gsos 'dzin skyong spel ba la/ /dam pa khyed las lhag pa gzhan na su/ /med ces gdan sar mnga' gsol chos 'khor bskor/ /mi mthun g.yul las rgyal phyir bstan srung gi /sku brnyan tshogs bzhengs bdag chen rdo rje 'chang / /mkhyen rab chos rje rdo rings kun spangs rje/ /tshar pa rje sogs bstan 'dzin tshogs rnams kyis/ /rab tu gnas shing dam gzhag mdzad pa'i tshe/ /dam can rgya mtsho sprin bzhin dngos su thim/ /sku las gdug pa'i khrag rgyun babs pa dang / /rkang gling 'bud sogs rnam 'gyur sna tshogs ston/ /rdo rje'i brag rdzong lta bur dngos su bzhugs/ /bdag chen rdo rje 'chang gis 'od gsal du/ /stobs 'phrog dbang pos gtsor byas chos srung rnams/ /rings pa sprin bzhin 'du bar gzigs pa'i gnas/ /dpal ldan rtser yang sgrub gnas mgon khang bzhengs/ /rgya gar lho phyogs ri sul rnal 'byor mas/ /gnyen lor bram ze mngag gtad gnang ba'i skabs/ /dpal mgon bram ze'i gzugs su mngon sum du/ /gnyen gyi bran du bka' bsgos g.yog tu btang / /bla rdo gnang ba zhal bzhi rang byon du/ /gyur pa'i sku rten khyad 'phags ngo mtshar can/ /'jam mgon rim brgyud sku srung mdzad pa'i rten/ /phyogs 'di'i bstan pa bsrung phyir bzhugs su gsol/ /ji ltar gsol bzhin rgyun gyi dbang po yi/ /pha rol byad ka gnam lcags thog gis bsgral/ /da lta'i bar du lugs gnyis cher 'phel te/ /chos sgra dbyar gyi rnga ltar sgrog pa 'di/ /dam pa yab